Es possible de se formar per èstre formator professional pels adultes en lenga occitana. Lo CFPO Lengadòc, a Besièrs, prepausa una formacion als que son sens emplec o que son dins una situacion de reconversion professionala.
La formacion a per objectiu de far arribar la persona que seguís aquela formacion a un nivèl B2 o C1 en occitan. Lo programa a tanben per objectiu de donar a la persona la competéncia necessària per animar una formacion en partissent d’un quasèrn de cargas precís.
Tanben, serà donada una formacion pertocant l’istòria e la cultura occitanas. Lo programa permetrà en meteis temps d’aquesir las basas pertocant los metòdes d’organizacion e de comunicacion de la formacion als adultes.
La formacion se debana al CFPO de Besièrs. Pòt desembocar sul mestièr de formator/tritz . Los candidats devon èstre incriches a Pôle Emploi e orientats per un dels prescriptors de la Region Occitania.
Per mai d’informacions vos podètz virar cap al CFPO de Besièrs. De reünions d’informacion se debanan cada dijòus duscas a la fin del mes de julhet.
04 67 28 75 36
Site del CFPO