L'InÒc Aquitània qu'a mes en linha l'exposicion virtuau « (Extra)ordinaire quotidien, patrimoine culturel immatériel en Aquitaine ».
Aquera mustra, l’InÒc que l’a miada tà tèrmi en aliança dab lo laboratòri ITEM de l'Universitat de Pau e deus País de l'Ador e dab lo Musèu d'etnografia de l'Universitat de Bordèu (MEB), on podetz véder l'exposicion fisica dinc au 29 de mai 2015.
Dirigida per Patricia Heiniger-Casteret, aquera exposicion trilingua (francés, occitan e basco, e lèu anglés e castelhan), que prepausa ua reflexion sus las practicas culturaus presentas en Aquitània : la lor vitalitat, lo lor enradigament dens la quotidianitat e las lors evolucions e adaptacions a la societat contemporanèa.
Qu'avia un dialògue dab lo visitaire qui, dab aquera experiéncia virtuau, descobrirà o tornarà descobrir lo sens d'aqueras practicas e las lors faiçons de s’inserir dens lo territòri regionau.
Que la podetz véder a l'adreça www.patrimoine-immateriel-aquitaine.org.