Lo CFPO de Miègjorn-Pirenèus dobrís sa session d'accion prequalificanta « Formacion intensiva a l'occitan modèrne - Preparacion als mestièrs ligats a la lenga e la cultura occitanas ». Se farà del 5 de genièr al 28 de junh de 2016.
Dins lo quadre del Programa Regional de la Formacion Professionala, aquela accion finançada per la Region Miègjorn-Pirenèus s'adreça als demandaires d'emplec residents en Miègjorn-Pirenèus. A per objectiu de permetre als beneficiaris de se bastir un percors d’accès a l’emplec e/o a la formacion, en fasa amb lor perfil e las filièras d’emplec occitanas.
Una amassada d'informacion collectiva es organizada lo dimècres 18 de novembre a 14 h a l'Ostal d'Occitània, 11 carrièra Malcosinat a Tolosa.