Letra de ligason :

Sélectionnez votre langue

Actualitats

Lo congrès de la lenga occitana - Actualitats
Lo congrès de la lenga occitana - Actualitats
LINGUATEC IA

Lo projècte europèu LINGUATEC IA que's met en marcha. Que s’amassè recentament lo purmèr talhèr a Saragossa au quau participèn un totau de 14 personas qui representavan la màger part de las entitats qui participan au projècte.

Que s’obrí la purmèra session per un discors deus representants deu governament d'Aragon qui arcuelhèn l’eveniment, dab José Antonio Andrés Moreno, cap deu servici de prevencion, de proteccion e de recèrca deu patrimòni culturau, e Miguel Ángel Palas, responsable deu seguit deu projècte a la Direccion generau deu patrimòni culturau, que prenón la paraula.

Cada entitat deu consòrci qu'avèva audavant tribalhat tà çò deu diagnostic deus abans realizats dens lo maine de l'Intelligéncia artificiau dens los lors lengatges e variantas respectius e, dab totas las contribucions, progrès qu'estón realizats cap a la prefiguracion de la huelha de rota deu projècte. L'elaboracion d'ua huelha de rota partatjada qu'ei un deus èishs d'intervencion deu projècte, en aqueth cas, un tribalh coordinat peu Congrès permanent de la lenga occitana. Huelha de rota d’establir dab desvolopaments tecnologics adaptats au projècte tot lo long deu projècte.


Lo projècte LINGUATEC-IA qu'estó cofinançat a 65 % per l'Union Europèa dens l'encastre deu programa Interreg VI-A Espanha-França-Andòrra (POCTEFA 2021-2027). Lo POCTEFA qu'a l’objectiu d'ahortir l'integracion economica e sociau de la zòna frontalèra Espanha-França-Andòrra.