Avètz ja remarcat cossí pòt èsser plan penable d'anonciar sos eveniments pertot sus la tela ? Òc mas èra abans...
Lo CalenDiari es una agenda en linha dobèrta que recampa los eveniments culturals d'expression occitana.
Es un projècte portat per l’Institut d’estudis occitans de la region Occitania e lo magazine cultural Lo Diari, en partenariat amb l’Ofici public de la lenga occitana, lo CIRDÒC-Institut occitan de cultura, lo Congrès permanent de la lenga occitana, e amb l'ajuda de la còla d'OpenAgenda.
Es basat sus OpenAgenda, un sistèma d'agendas que comunican entre elas.
Ara, tot lo monde se pòt crear una agenda pròpria e difusar rapidament e automaticament sas datas sul CalenDiari : collectivitats, associacions, lòcs culturals, agéncias, artistas, festenals, operacions...