Petit present en aquesta temporada de fèstas : l’aplicacion de telefonets Vèrbòc prepausa ara una version enriquesida que vos permet d’apréner la conjugason occitana de faiçon ludica.
Demest las novetats, avètz ara la possibilitat de repassar los grands modèles de conjugason e los vèrbes irregulars mai corrents. Podètz tanben marcar de vèrbes coma favorits per los retrobar mai lèu se avètz besonh de los gaitar sovent.
L’aplicacion a tanben ara de petits jòcs per revisar las conjugasons de faiçon ludica : trobar la persona o lo temps d’una forma conjugada, resòlver un anagrama, retrobar lo bon òrdre de las personas d’un temps, dire quales vèrbes son alternants…
Enfin, mercés a la sintèsi vocala Votz, se pòdon escotar las formas conjugadas en occitan gascon e en occitan lengadocian.
Amb totas aquelas foncionalitats, es ara aisit de devenir un especialista de las conjugasons occitanas !
L’aplicacion Vèrbòc prepausa las varietats gascona, lemosina, lengadociana e provençala e se pòt teledescargar :
- Dins Google play store per Android
- Dins AppStore per iPhone