Seminari transfrontalèr LINGUATEC-IA : ressorsas, tecnologias e IA entà las lengas deus Pirenèus
L'objectiu deu projècte LINGUATEC-IA qu'ei de desvolopar coneishenças en intelligéncia artificiau suus modèles navèths de lengatge neuronau aplicaders a las lengas dispausant de drin de ressorsas, entà har progressar la numerizacion de l’aragonés, deu basco, deu catalan e de l’occitan (las lengas deus Pirenèus) e dens la construccion d'ua infrastructura lingüistica e intelligenta transfrontalèra qui facilita la comunicacion enter los locutors de las diferentas lengas e un accès multilingüe a l'informacion.
Lo consòrci deu projècte que presentarà los progrès realizats dinc adara pendent un eveniment lo 7 de noveme a l’universitat Tolosa–Joan-Jaurés (Ostau de la recèrca, Bastiment 2, 4au solèr, salas 411-412). Que’s poderà seguir en videoconferéncia mercés a un ligam qui serà comunicat mei tard.
——————
Lo programa :
9 h : Arcuelh, cafè
9 h 10 : Ubèrtura e presentacion deu projècte LINGUATEC-IA
9 h 30 - 9 h 50 : Helena Torres (Universitat de Lleida) - Automatizacion der aranés - Estat dera question
9 h 50 - 10 h 10 : Myriam Bras e Dejan Stosic (CLLE, Universitat Tolosa–Joan-Jaurés) - ParCoLab, Plateforme de consultation de corpus parallèles pour les langues des Pyrénées et au-delà
10 h 10 - 10 h 30 : Itziar Aldabe Arregi e Xabier Arregi Iparragirre (HiTZ, EHU-Université du Pays Basque) - Primeros pasos en el desarrollo de un modelo de lenguaje instruído para el occitano
10 h 30 - 10 h 50 : Bassma Laassili et Matthieu Martel (LAMPS, Université de Perpignan - Via Domitia) - Corpus dialectal et modélisation linguistique : premiers jalons pour le catalan du Nord dans LINGUATEC-IA
10 h 50 - 11 h 30 : pausa
11 h 30 - 12 h 15 : Demostracions
Itziar Cortes Etxabe (Elhuyar) : Demostración de la plataforma de subtitulación y traducción automática de vídeos entre las lenguas de los Pirineos.
Aure Séguier (Congrès permanent de la lenga occitana) : Demostracions de transcripcion automatica de vidèos en occitan e de traduction automatica de sostitolatges occitan-francés
12 h 15 - 13 h : Escambis e devís de barradura :
Lengas de comunicacion : occitan, francés e castelhan
Lo projècte LINGUATEC-IA qu'ei cofinançat a 65 % per l'Union Europèa dens l'encastre deu programa Interreg VI-A Espanha-França-Andòrra (POCTEFA 2021-2027).