La Passem ! que trauquè Gasconha enter lo 30 d’abriu e lo 5 de mai passats. Tornar en imatges sus la participacion deu Congrès ad aqueth eveniment.
Dab 1 100 quilomètres corruts pendent 6 dias e 5 nueits shens discontinuar, La Passem !, organizada per l’associacion Ligams, qu’arrivè au Mont lo dimenge 5 de mai. Lo messatge esconut qui cabè dens lo ligam qu’estó desvelat, qu’èra un conte qui’s legè en public peu son autor, Joan-Miquèu Espinasse, qui hè l’ensenhaire, lo musician e lo contaire.
Dens l’encastre d’aqueth eveniment qui amassè un ahoalh de monde venguts de Gasconha tota, l’Ofici public de la lenga occitana, lo CIRDOC-Institut occitan de cultura, lo Congrès permanent de la lenga occitana, lo CFPÒC Navèra Aquitània e la Federacion Calandreta Bearn qu’èran presents tot lo long de la corsa, en s’associar especiaument tà la comunicacion.
Un dispositiu itinerant qui i èra present cada dia suu percors de La Passem, dab un camion flocat, la pausa d’afichas e de cartas com, qui permeten de difusar informacions practicas auprès deu gran public.
Qu’ei tanben ad aquera escadença que s'aviè lo portau navèth L’Òc près de chez vous qui repertòria los lòcs d’aprendissatge e de descobèrta de la lenga e de la cultura occitanas :
Lo Congrès que crompè tanben mantun kilomètre suu percors dens Hautas Pirenèas, Pirenèus Atlantics, Gèrs e las Lanas.
La Passem ! que podó atau collectar mei de 120 000 €, fons qui permeteràn de finançar projèctes navèths en lenga e cultura occitanas. La crida a projèctes qu’ei estada justament lançada, ací-jos qu'avetz lo règlament e lo dossièr de candidatura (data : 1èr de julhet 2024) :