Una borsa d’estudi a destinacion dels estudiants per venir ensenhaires de classa bilingüa en las regions Novèla Aquitània o Occitània : primièra session de candidaturas abans lo 15 de junh !
L’Ofici public de la lenga occitana (OPLO), la region Novèla Aquitània, la region Occitània e l’Educacion nacionala sostenon lo desvolopament de las classas bilingüas occitan-francés dins las escòlas mairalas e elementàrias de las filièras publicas e del fialat associatiu Calandreta.
Es dins aquel objectiu que foguèt creada la borsa ENSENHAR Estudiant, un dispositiu gerit per l’Ofici public de la lenga occitana (OPLO), especific a las regions Novèla-Aquitània e Occitània !
D’un total maximal de 8 000 € sus dos ans, la borsa d’estudi ENSENHAR es una ajuda individuala e que s’adreça als estudiants inscrits en Licéncia 3 o Master 1, motivats per l’ensenhament en occitan e engatjats dins una formacion universitària que prepara al mestièr d’ensenhaire de classa bilingüa.
Doas sessions son dobèrtas pel depaus dels dossièrs de candidatura dirèctament al prèp de l’Ofici public de la lenga occitana, abans entreten davant una jurada.
Segonda session : depaus de las candidaturas abans lo 15 d'octobre 2020
- Per aver mai d’informacions sus las condicions e la lista de las formacions eligiblas : www.ofici-occitan.eu