Los futurs estudiants de Master d'Aquitània e de Mieidia-Pirenèus, dab los ensenhaires monolingües d'Aquitània qui's volhan formar tà ensenhar en occitan, que pòden postular tà las borsas « Ensenhar » prepausadas per las duas Regions.
Taus estudiants aquitans, la condicion qu'ei d'aver ua licéncia e de s'inscríver en Master de preparacion au concors d'ensenhament occitan dens lo prumèr grad (bilingüe public o immersiu en Calandreta). La borsa d'estudi qu'ei de 4 000 €.
Taus ensenhaires deus prumèr e segond grads de l'academia de Bordèu, que cau aver dejà obtiengut lo conget individuau de formacion au près deu DASEN. La Region que pren en carga lo prètz de la formacion (2 000 € per tres mes, 4000 € per sheis mes). A la fin de la formacion, que passaratz ua certificacion complementària tà ensenhar l'occitan o en occitan.
Taus estudiants de Mieidia-Pirenèus, que's cau inscríver e presentar aus concors extèrnes public o privat de recrutament de professor de las escòlas especiau lenga regionau dens l'academia de Tolosa o au concors de Calandreta.
Tà mei d'informacions :
- Tà Aquitània : occitan.aquitaine.fr
- Tà Mieidia-Pirenèus : www.midipyrenees.fr/Les-bourses-Ensenhar,8027