Lo « novèl » Conselh nacional de las lengas regionalas es estat installat lo 31 de març pel Primièr Ministre i a qualques jorns.
Es una bona causa, solide, mas es bon de se rapelar lo sòrt del precedent Conselh nacional de las lengas e culturas regionalas e autres comitats e « daquòsses » per las lengas regionalas. Cal demandar de garantidas e sustot d’èsser vigilants per la seguida per que aquel conselh novèl acabe pas coma lo primièr…
- 1985 : Un « Conselh nacional de las lengas e culturas regionalas » ja foguèt creat pel decret n° 85-1006 del 23/09/1985 e integrat dins 4 articles del Còdi de l’educacion.
L’article D312-29 n’estipulava las missions : « Le Conseil national des langues et cultures régionales, institué auprès du Premier ministre, a pour mission d'étudier, dans le cadre des grandes orientations définies par le Président de la République et le Gouvernement, les questions relatives au soutien et à la promotion des langues et cultures régionales dont il a été saisi par le Premier ministre. Il est consulté sur la définition de la politique menée par les différents départements ministériels dans le domaine des langues et cultures régionales. Il établit un rapport annuel ».
L’article D312-30 ne balhava la composicion : « Le Conseil national des langues et cultures régionales est composé de trente à quarante membres nommés par arrêté du Premier ministre en raison de leurs compétences et de leur action en faveur des langues et cultures régionales. Le vice-président du comité consultatif de la langue française en est membre de droit. Sont en outre membres de droit un représentant de chacun des ministres chargés respectivement de la culture, de l'éducation, de l'intérieur, de l'outre-mer et de la communication »
Se deviá amassar « al mens » dos còps per an !
Aquel conselh foncionèt fins en 1987 ont i aguèt un rapòrt interessant sus l’ensenhament de las lengas mas sembla pas èsser estat gaire amassat puèi… La pròva n’es la question d’un senator e la responsa del ministre en 1993-1994.
Lo Conselh que fasiá pas res pus dempuèi plan temps foguèt liquidat en 2006, del temps de Gilles de Robien al Ministèri de l’Educacion nacionala. Los 4 articles que lo mençonavan dins lo Còdi de l’Educacion foguèron abrogats pel decret n°2006-672 du 8 juin 2006.
- 2013 : Lo « Comitat consultatiu per la promocion de las lengas regionalas e de la pluralitat lingüistica intèrna » installat lo 6 de març de 2013 per la ministra de la Cultura e de la Comunicacion, Aurélie Filippetti, a remés lo 15 de julhet las conclusions de sos trabalhs.
Presidit per Rémi Caron, conselhièr d’Estat, ancian prefècte, lo Comitat s’apevèt s’apevèt sus l’expertesa de parlamentàrias (Frédérique Espagnac, senatritz dels Pirenèus-Atlantics ; Jacques Legendre, senator del Nòrd-Pas de Calais ; Paul Molac, deputat del Morbihan), dels representants de las collectivitats territorialas (Abraam Bengio, director general adjonch de la region Ròse-Aups, David Grosclaude, conselhièr regional d’Aquitània), de juristas (Marie-Anne Cohendet, professora de las Universitats, Universitat de París I Panteon-Sorbona ; Ferdinand Melin-Soucramanien, professor de las Universitats, Universitat de Montesquieu – Bordèu IV), de lingüistas (Louis-Jean Calvet, professor emerita de las Universitats, Georges-Daniel Véronique, professor de las Universitats, Universitat d’Ais-Marselha), e de las personalitats qualificadas (Henriette Walter, escrivana, professora emerita de las Universitats). Procediguèt a de nombrosas audicions.
Lo Comitat se dediquèt a dreçar un bilanç de la politica menada menada per França, a l’agach dels 39 engatjaments soscriches pendent la signatura de la Carta europèa de las lengas regionalas o minoritàrias, e al delà, a far de proposicions per balhar un vam novèl a la politica publica en favor de las lengas regionalas e de la pluralitat lingüistica intèrna.
Al lum de las recomandacions del Comitat, la ministra prepausèt al primièr ministre – après consulta dels parlamentaris e de las diferentas partidas concernidas – las mesuras que li semblavan bonas de prene per tal d’acréisser los espacis d’expression de las lengas de França dins nòstre país.
Aquel trabalh remarcable foguèt pas seguit de cap de mesura significativa…
Amb aqueles dos marrits precedents nos podèm pas que malfisar...
Mèfi !!! La mesa en plaça d’aquel Conselh pel Primièr Ministre Jean Castex es doncas un afar a sègre que, per ara, aquel novèl conselh sembla pas aver cap de realitat juridica ni mai administrativa... Cap de decret o arrestat lo formaliza pas e, mai que probable, anam lèu cambiar de primièr ministre... Gara ! Cal parar lo semenat del Conselh novèl !
Gilabèrt Mercadièr
President del Congrès permanent de la lenga occitana