En mei deus estudiants de prumèra e de dusau annada en sciéncias lingüisticas, los auditors libres que i poiràn tanben assistir.
Un cors universitari de lenga e de cultura occitanas qu'a debutat en noveme a l'universitat de Turin. Lo talhèr, qui s'inscriu dens l'encastre deu cors de mestresa en sciéncias lingüisticas ; que’s compausarà de 36 òras de cors e que serà dividit en duas seccions : la prumèra que serà un apercebut lingüistic e sociau de las comunautats alpinas de lenga occitana, mentre que la segonda serà mei practica : qu'averà per mira de compréner e de situar dens l'espaci tèxtes oraus e escriuts en occitan cisaupin. Que harà la conferencièra Aline Pons, occitanofòna de la Val Germanasca e cercaira a l'Universitat de Turin tà çò de las lengas de Piemont. Tots los estudiants de prumèra e dusau annada que's pòden inscríver, mes la participacion qu'ei tanben ubèrta aus auditors libres (qui ne poiràn totun pas presentà’s a l'examen finau) ; l’iniciativa qu’ei sostienuda per l'associacion culturau de Còni, la Chambra d'Òc.