Transmission, fauna e flòra, societat… Las sortidas literàrias deu mes de març 2025.
- A la fin de 2024, Jean-Pierre Clavaud, Marie-Rose Guérin-Martin e Maximilien Guérin an fach paréisser Morceaux de vie creusois (edicions L'Harmattan). Aqueu recuelh bòta en contraste quaranta un racontes redigits dins doàs varietats gallo-romanas de Cruesa per daus locutors natius, saber l'occitan naut-lemosin de Sent Peir de Charnhac e lo marchés miegjornau de Furçac.
Ne saber mai
• Las edicions de l'IEO d'Aude (Vendémias) an publicat al cap de 2024 Sextina pel país d’Òc, resultat d'una cooperacion artistica e scientifica entre sièis poètas, sièis cercaires universitaris e un plastician per prepausar una coneissença originala del País d’Òc. Lors escambis e controvèrsias viran a l’entorn de sièis concèptes emblematics : cosmogonia, desir, lengatge, mesura, praxis, transmission.
Ne saber mai
• Lo CAP’Òc e las edicions Canopé que publican un navèth obratge, dedicat au lop : Lo lop, antologia. Aquesta antologia que prepausa ua garba ressorsas qui's pòden utilizar dirèctament en classa.
Tà'n saber mei
• Novèla publicacion per Letras d'òc : Flòra illustrada de Josiana Ubaud, un obratge multilingüe francés-latin-occitan lengadocian e provençau que recampa 460 plantas basicas de la mar al mont.
Ne saber mai
• Las edicions Reclams que prepausan lo 3au numèro deu lor libe-revista pluridisciplinària L'ABC del Saber. Dedicada au subjècte Umans, tròp umans ?, que s'interèssa a tematicas scientificas, filosoficas, societaus, lingüisticas... en rapòrt dab las realitats umanas.
Tà'n saber mei
• Las edicions Tròba vox an publicat en fin d'annada passada Ligams de Gérard Zuchetto, antologia tolosana del trobar medieval del sègle 12en al sègle 13en.
Ne saber mai