Toponimia, escambis epistolaris, contes… Las sortidas literàrias deu mes d’octobre 2025.
- La Mantenença d'Auvernhe del Felibritge prepausa Échanges épistolaires entre Frédéric Mistral et Arsène Vermenouze, obratge comun que recampa la correspondéncia entre los dos autors. Las letras son prumèr presentadas en facsimile puei son transcriutas dins la grafia originala, e seguidas de la revirada en francés.
Ne saber mai - Las PULM (Presses universitaires de la Méditerranée) publican Phonologie de l’occitan du Haut-Vivarais. Une approche élémentaire et syllabique des réalités dialectales, obratge qu'es eissit de la tèsi de doctorat del Quentin Garnier.
En partir d'enregistraments d'occitanofònes natius, cèrca de descriure una partida del foncionament fonologic del parlar Naut-Vivarés (ensemble vivaroalpenc), practicat al nòrd d'Ardecha, aital coma las variacions qu'o caracterizan respècte a d'autras varietats de l'espaci occitan.
Ne saber mai - Ueit ans après era publicacion deths Condes deth Coserans, eth Ostau Comengés que prepausa Condes de Comenge e d'Aran, un navèth album de condes, qui se consacra aqueste còp ath Comenge e ara Val d’Aran.
Tà'n saber mei - Las edicions Edicausse publicavan en fin d'annada passada À la découverte des noms de lieux du Quercy et des communes du Lot - Toponymie lotoise, trabalh dels cercaires Gaston e Jacqueline Bazalgues.
Ne saber mai - Tres publicacions per las edicions Edite-moi :
- Orsonet e l’esquiròl de Cécile Chambon, adaptat en occitan per Martina Prévôt e Anna Maria Caparròs.
Ne saber mai - L'adaptacion en benda dessenhada bilingüa de La bèstia del Vacarés, lo roman de Joseph Darbaud, publicat en 1926. Una adaptacion per Mancho, revirada en provençal per Daidièr Mir.
Ne saber mai - Las edicions Edite-moi ! an publicat al mes de mai Ambe mos lops, un album bilingüe pels mainats per Corinne Lhéritier, qu'evòca pels mainatges, la question de l'amic imaginari e del « abans se ».
Ne saber mai
- Orsonet e l’esquiròl de Cécile Chambon, adaptat en occitan per Martina Prévôt e Anna Maria Caparròs.
- Las Edicions del Grelh Roergàs prepausan 365 istorietas cortetas, tanplan coquinetas, un recuèlh bilingüe de pichonas istòrias amusantas per Sèrgi Gairal.
Ne saber mai