Faulas, testimoniatges, umor, politic… Las sortidas literàrias deu mes de junh de 2026.
-
Una novèla traduccion occitana del Petit Prince de Saint-Exupéry ven de sortir, aqueste còp dins una version en provençal alpin, prepausada per Richart Favier e pareguda a las edicions Tintefass : Lou Pechot Prince.
https://editiontintenfass.de/en/catalog/496_lou-pechot-prince-der-kleine-prinz-provencal-alpin -
Andrieu Lagarda prepausa un recuèlh pel qual s'es inspirat de contes classics amb Al país de las meravilhas, publicat a las edicions Letras d'òc.
https://www.letrasdoc.org/oc/catalogue/al-pais-de-las-meravilhas-2/ -
Las edicions Trabucaïre publiquèron al mes de mai Memòrias de l'occitanisme 1960-1980, jos la direccion de Cristian Lagarda. Aquel obratge descriu aquel periòde del movement occitanista per de testimoniatges de las e los que la visquèron.
https://www.felco-creo.org/wp-content/uploads/2026/03/bon-de-souscription-memorias.pdf -
Dens lo son obratge La diversité pour survivre ... au réchauffement climatique et au refroidissement culturel sortit a las edicions de l'ADEO (Associacion pel Desvolopament de l'Escrit Occitan), David Grosclaude que rapèra lo ligam enter biodiversitat e diversitat culturau, e qu'abòrda la miaça de l'uniformizacion.
https://www.adeo-oc.eu/la-diversite-pour-survivre-au-rechauffement-climatique-et-au-refroidissement-culturel-david-grosclaude/ -
Duas publicacions per las edicions Reclams :
-
Las edicions Reclams que vienen de publicar Copacap per Fabiana Vayrette-Péchali, roman policièr non shens umor qui planta lo decòr dens ua prefectura fictiva deu Sud-oèst de França.
https://www.reclams.org/fr/catalogue/produit/233-copacap -
Dens lo son recuelh de novèlas navèth Deman passat, Joan-Pau Ferré que cèrca de descríver portrèits e ambients deus Pirenèus e deu Sud-oèst, a la horcada enter legenda e realitat.
https://www.reclams.org/fr/catalogue/produit/228-deman-passat
-
-
Las edicions E…rau ! presentan lo darrièr obratge de Marc Rossèl, Visca lo sénher president !, fabla umoristica en pròsa.
https://ieo-erau.com/botiga/senher-president-copie/