Cançon, poesia, correspondéncias, ensenhament de las lengas... Las sortidas literària del mes de novembre de 2026.
- Las edicions A l'asard Bautezar prepausan J'aime les chemins pour tout ce qu'ils ouvrent à nos rêves..., recuèlh de tèxtes de Max Roqueta (correspondéncias, ensages, omenatges...) en francés e en occitan, per comprene coma l'òbra de l'autor s'es constituïda e perseguida.
https://www.librairiejeanjaures.fr/livre/9791094199305-j-aime-les-chemins-pour-tout-ce-qu-ils-ouvrent-a-nos-reves-max-rouquette/#targetDetail - Guillaume Lopez prepausa Lo Buf del Lop, cançonièr contemporanèu qu'amassa mai de 80 tèxtes a legir e a cantar, publicat per CAMOM/Vent Terral.
https://vent-terral.com/produit/buf-lop/ - Las edicions de l'IEO 06 venon de publicar Lo barròco funeral de paure Mèstre Simon-Pèire Sartre, novèla edicion revista e aumentada del recuèlh de novèlas de Miquèl de Carabatta.
https://ieo06.com/produit/lo-barroco-funeral-de-paure-mestre-simon-peire-sartre-2/ - Las edicions de l’Aucèu Libre prepausan Flamenca, lo celèbre roman anonim del sègle 13en, dens una adaptacion en occitan modèrne amb traduccion de Miquèla Stenta. Prefaci de Georg Kremnitz. https://www.lauceulibre.net/
- Las edicions de l’IEO Aude publiquèron L’Òc a la boca en junh passat, recuèlh de recèptas realizat per d'escolans e de collegians de l'ensenhament bilingüe e de las Calandretas del departament.
https://occitanie-paisnostre.fr/parucion-de-loc-a-la-boca/ - Daniel Loddo prepausa un recuèlh novèl de mai de 270 contes en occitan (amb traduccion) eissits de la tradicion orala carcinòla, entitolat Contes e racontes de Carcin. A las edicions CORDAE/La Talvera, en collaboracion amb La Granja e l'IEO Òlt.
https://talvera.org/catalogue/contes-e-racontes-del-carcin/ - Las edicions L’Harmattan que publican Enseigner les langues minor(is)ées face aux urgences didactiques, dab la direccion de Coraline Pradeau. L'obratge qu'amassa contribucions qui questionan las condicions de mesa en plaça de l'ensenhament de las lengas regionaus, d'Otramar e minor(iz)adas.
https://www.editions-harmattan.fr/catalogue/livre/enseigner-les-langues-minor-is-ees-face-aux-urgences-didactiques/86546