Reedicions de tèxtes ancians, portrèits vertadèrs o de ficcion, sortidas joenessa… Las novetats literàrias deu mes de mai 2024.
- E víver qu'ei lo recuelh de novèlas navèth prepausat per las edicions Reclams, dens lo quau la soa autora Fabienne Vayrette tira lo portrèit d'autant de personatges màgerment femenins qui hèn pròva d'ua medisha hami de víver.
Tà'n saber mei - Las edicions E...rau ! de l'IEO Erau venon de publicar Anamorfòsis, un obratge novèl que recensa las "obsessions" de Florian Vernet pendent sa vida e sas cinquanta annadas de carrièra d'escrivan.
Per ne saber mai - Novèla sortida joventut a las edicions Letras d'òc : Lo Capitani Campani de Maria Roanet, que conta lo viatge extraordinari d'un vièlh capitani qu'a mai de 400 ans.
Per ne saber mai - Dins Cherche Monde paregut dins la colleccion Fédérop a las edicions Pierre Mainard, lo traductor e poèta Yves Leclair prepausa una adaptacion novèla de las òbras del trobador Cercamòn, en una edicion bilingua.
Per ne saber mai - L'IEO du Cantal e l'Ostal del Libre (Découvertes Occitanes) sortisson en coedicion l'obratge Bédélou, le petit veau dans la montagne, un conte bilingüe a destinacion dels pichonets de 0 a 4 ans. De QR còdis permeton d'accedir a la version sonòra de l'istòria.
Per ne saber mai - Las edicions Jorn prepausan una reedicion de l'obratge Dins las carrièiras dau Clapàs d'Édouard Marsal paregut en 1896, o cinquanta retraches del pòble de Montpelhièr al sègle xixen, quand l'occitan èra la lenga de cada jorn.
Per ne saber mai - Las Editions des Régionalismes que prepausan ua navèra edicion aumentada de Las Malinèiras d'Emilien Barreyre, escrivan màger de la literatura occitana de la fin deu sègle xixau.
Tà'n saber mei - Après mei d’ua annada de tribalh, l'associacion Pirèna Immatèria que publica a la prima 2024 l'obratge Joan-Loís Lavit, ua votz ena montaha de Bigòrra, frut de l'encontre enter Joan-Loís Lavit, personalitat màger de la cultura occitana contemporanèa, escrivan, istorian, pedagògue, e Pascal Caumont, cantaire, concertista e professor de musica occitana.
Tà'n saber mei