Publicacion novèla a las Edicions L'Harmattan dins la colleccion dels Parlers du Croissant : Le Croissant linguistique : entre oc, oïl et francoprovençal ; Des mots à la grammaire, des parlers aux aires, jos la direccion de Louise Esher, Maximilien Guérin, Nicolas Quint & Michela Russo.
Lo Creissent correspond a la zòna mixta ont se juntan las tres grandas airas gallo-romanas : òc, oïl e francoprovençal. S'estend de la Montanha borbonesa (Alèir) al centre de Charenta. Los parlars que’s practican dins aqueles parçans, que presentant simultanèament de traches caracteristics de l'occitan, de las lengas d'oïl e de còps del francoprovençal, questionan las frontièras intangiblas e las categorias establidas. Pas vertadièrament (o pas pro?) d'òc, pas vertadièrament d'oïl, pas vertadièrament francoprovençals tanpauc, los parlars del Creissent son longtemps demorats al marge dels estudis sul lengatge. Aqueles parlars, desenant en via d'escantiment, meritan pr'aquò d'èsser mai (re)coneguts, tant sul plan scientific que patrimonial. Lo projècte collectiu Les Parlers du Croissant, associant cercaires e locutors, aspira a illustrar e estudiar aquelas varietats dialectalas originalas, en collectant de donadas alprèp de las personas que las practican encara aital coma en fasent la sintèsi de las fonts disponiblas. Lo present obratge es lo fruch dels esfòrces que l'equipa del projècte consacra als parlars del Creissent dempuèi ara mai de cinc ans, dins una perspectiva dobèrta e pluridisciplinària.