Lo 4 de junh passat se faguèt a París la jornada d'informacion e d'escambis sus Le patrimoine écrit des langues de France : signaler, numériser, transmettre, organizada per la Bibliotèca nacionala de França en associacion amb la Delegacion generala a la lenga francesa e a las lengas de França (DGLFLF).
Aquela jornada foguèt l'escasença de presentar los obradors e los projèctes que pòrtan sul senhalament, la numerizacion e la transmission del patrimòni escrit al benefici de las lengas e de las culturas regionalas.
Suscitèt escambis e debats entre los intervenents e los participants : a l'entorn de la coneissença e del catalogatge de las colleccions publicas, de la seleccion e de la mesa en linha liura e gratuita de las ressorsas, mas tanben de la mediacion d'aquelas ressorsas, sustot en direccion dels actors que s'i investisson dins los oficis, instituts, observatòris e associacions especializadas.
La jornada èra egalament retransmesa en dirècte en streaming, e los actes-vidèo son d'ara enlà accessibles en linha.