Après La Lenga del trobar : Precís de gramatica de l'occitan ancian, Maurici Romieu e Andrieu Bianchi prepausan una novèla edicion de lor obratge Iniciacion a l'occitan ancian : Dètz e nòu tèxtes de l'Edat Mejana comentats.
Aquesta Iniciacion a l’occitan ancian es lo perlongament e lo complement indispensable de La Lenga del Trobar, precís de gramatica d’occitan ancian [2025, 4na ed.]. Es un manual practic que presenta en dètz e nòu leiçons, a partir d’una causida de tèxtes, çò que cal conéisser de l’occitan ancian per legir los tèxtes literaris de l’Edat Mejana sens passar per las reviradas francesas.
Lo contengut d’aquestes dètz e nòu tèxtes de l’Edat mejana comentats es explicitat per comentaris, remarcas, elements de lexic, de literatura, de civilizacion, etc. ; vocables causits meton en evidéncia la parentat entre l’occitan e las autras lengas romanicas màgers de uèi.
Lo cambiament pus vesedor d'aquesta edicion novèla — la segonda — ça que la es l'emplec exclusiu de la lenga occitana dins sa varietat lengadociana.
Iniciacion a l’occitan ancian [mesa en venta lo 6 de novembre] s’adreiça als estudiants de la lenga mas als curioses tanben que, per gost personal, vòlon descobrir solets l’occitan ancian o n’aprigondir la coneissença.
Aquestes dos libres, La lenga del Trobar e Iniciacion a l’occitan ancian sont redigits complètament en occitan dins sa varietat lengadociana.