Lo projècte Òc/Oïl : tèxtes, identitat e contacte de lengas als confinhs gallo-romans es arribat a son tèrme en fin d'annada 2025. Retrobatz lo bilanç e las produccions d'aquel projècte.
Lo projècte Òc/Oïl a per objectiu d'estudiar jos un jorn novèl, e de comprene la situacion (socio)lingüistica, dels parlars situats dins la zòna lingüistica del Creissent, que correspón a la franja nòrd del Massís Central (nòrd de Lemosin e d'Auvèrnhe). Los parlars tradicionals d'aquela region presentan simultanèament de caracteristicas tipicas de las lengas d'oil (franceses, peitavin-santongés, berrichon) e de l'occitan (lemosin e auvernhat).
Aquel projècte compren tres aisses de recèrca :
- Documentacion (enregistrar, transcriure e revirar un maximum de tèxtes orals, qu’apartenisson a de genres divèrses) ;
- Contactes de lengas (estudiar en detalh los efièches del contacte entre los parlars del Creissent e lo francés) ;
- Sociolingüistica (examinar las questions ligadas a l'identitat lingüistica e culturala dels locutors, l'estandardizacion, la practica e la transmission).
Podètz retrobar lo bilanç d'aquel projècte sul sit, sustot dins la rubrica "Produccions".