A l'iniciativa deu servici cultura de la comuna de Vilhèra e de las edicions Reclams, que serà presentada ua conferéncia suu diccionari de Simin Palay peu Maurici Romieu, mèste de conferéncia lenga occitana emerita a l'UPPA, lingüista, autor e Sèrgi Javaloyès, escrivan, cronicaire e critic literari, lo dissabte 25 de noveme a 15h a la mediatèca d'Este.
Las edicions Reclams-Escòla Gaston Febus e lo Congrès permanent de la lenga occitana que tornèn editar e qu'actualizèn lo famós diccionari deu felibre Simin Palay. Lo son diccionari, qui s'estaca aus dialèctes de Bearn, de Bigòrra, de Gèrs e de Gasconha, que hè referéncia enqüèra uei. Hòrta de mei de 70 000 tèrmes recensats, qu'i cap un istoric sus aqueth diccionari en aquesta edicion navèra en dus tòmes.