Lo collectiu de fotografes « Les Associés » que miè un tribalh a l'entorn deu territòri de Navèra Aquitània, dont la mira ei d'explorar çò qui hè - o non - l'identitat d'ua region per la soa geografia e los sons poblants.
Lo projècte que's debana en tres partidas : ua exposicion de fotografias aperada "D'ici, ça ne paraît pas si loin" (D'ací enlà, non pareish pas tan luenhèc), la presentacion d'ua estructura dens espacis publics atau com projeccions d'un film e fin finala, la publicacion d'un libe.
Lo Congrès permanent de la lenga occitana qu'acompanhè aquera iniciativa, a la demanda de la Ciutat, entà hornir los toponimes occitans deus lòcs on estón presas las fòtos, e mei enlà, que coordonè la restitucion deus toponimes en lengas regionaus en har aperet enter autes a l'Institut Culturau Basco e a l'UPCP-Métive entau peitavin-sentongés.