L'Agéncia nacionau de cohesion deus territòris (ANCT) qu'encoratja las comunas, dens l'encastre de l'obligacion d'adreçatge legau, a conservar la riquessa deus noms de lòcs en precisar los lòcdits, mes tanben en rensenhar las lengas regionaus en mei deu francés.
Aquera reïteracion que's hè dens l'encastre de l'article 169 de la Lei 3DS, precisat peu decret deu 11 d'aost 2022 « relatiu a la mesa a disposicion per las comunas de las dadas relativas a la denominacion de las vias e a la numerotacion deus ostaus e autes construccions ». Atau, uei totas las comunas qu'an l'obligacion de dotar abitacions e locaus professionaus d'ua adreça qui contien un nom de carrèra e un numèro.
Atau l'ANCT que rapèra la riquessa patrimoniau representada peus lòcdits, e que precisa tanben qu'ei important de non pas perturbar los abitants per cambiaments inutiles.