Segon un estudi recent de l’Universitat de Pau e País de l’Ador, los tèxtes ancians deus fòrs de Bearn (aquiu mes en valor a la Ciutat, quartièr deu Hedàs a Pau) que serén l’ajòu comun a las lengas deus mondes fantastics deu Senhor deus Anèths, de Game of Thrones o enqüèra Star Trek.
En efèit, la calligrafia de las letras be sembla aver inspirat shens nat dobte la creacion d’aqueras ideolengas e alimentat l’imaginari uman d’ua faiçon exponenciau, notadament capvath la sciéncia ficcion.
Daubuas aplicacions que perpausan sia d’apréner lo valirian haut, sia d’arrevirar automaticament lo klingon, mes malaja los resultats ne son pas probants pr’amor de tostemps passar per la medisha lenga hont qui n’ei pas de la medisha familha lingüistica, a saber l’anglés.
Dab la sortida a viéner de Revirada, traductor automatic en occitan-francés e francés-occitan, las possibilitats de revirar cap a d’autas lengas e sustot de las enigmaticas com pòden estar l’elfic, lo valirian haut o lo klingon que s’aprèssan !
Ua novèla de las bonas entà’n descobrir cada dia mei tà çò deus mistèris deu lengatge uman e alandar l’imaginacion.