Transifex es una plataforma que permet la traduccion collaborativa de mantun otís numerics. De contributors benevòles s’i pòdon inscriure per participar a la revirada dins lor lenga de logicials, plataformas en linha…
Fins ara, Transifex prepausava pas qu’una traduccion occitana possibla per cada otís. Se lo logicial èra ja revirat dins una varietat de l’occitan, se podiá pas revirar dins una segonda.
Se pòt far ara, mercés al trabalh del Congrès. Prenguèt contacte amb los administrators de Transifex per lor far conéisser los subtags de varietats de l’occitan que depausèt a l’IANA en 2018, e demandèt a Transifex d’ajustar las varietats correspondentas als còdis de lenga de sa plataforma.
Atal, se pòt ara ajustar de reviradas en occitan auvernhat, occitan gascon, occitan aranés, occitan lengadocian, occitan lemosin, occitan provençal, occitan niçard e occitan vivaroalpenc de faiçon simultanèa.
Podètz, solide, contunhar a contribuir a las traduccions ja aviadas, coma las de :
Podètz tanben revirar de logicials novèls o ajustar de varietats a de logicials qu’an ja una version occitana.
→ Véser lo tutorial per revirar sus Transifex