Analisi literària, poesia, ecologia e diversitat culturau : las nautats literàrias deu mes de junh 2024.
- Duas nautats en çò de Per Noste :
- Aquiu ua segonda edicion aumentada de Dificultats gramaticaus de Clàudia Labandés en çò de Per Noste. Aquestas « frasas complèxas », atau batiadas peus aprenents, que son classadas per tèma e arregropadas en capítols : emplec deu preterit, concordança deus temps, arreviradas especificas, etc. Mes que v’avisaratz tanben que daubuas dificultats ne hèn pas l’objècte d’un capítol e totun que son presentas. A vosautas e vosautes de ve’n servir e de las ve har vòstas.
Tà'n saber mei - Las edicions Per Noste que prepausan l'arrevirada en gascon d'un navèth àlbum de Christian Voltz, Ne me'n poish pas de mei, qui parla d'ecologia aus mainats.
Tà'n saber mei
- Aquiu ua segonda edicion aumentada de Dificultats gramaticaus de Clàudia Labandés en çò de Per Noste. Aquestas « frasas complèxas », atau batiadas peus aprenents, que son classadas per tèma e arregropadas en capítols : emplec deu preterit, concordança deus temps, arreviradas especificas, etc. Mes que v’avisaratz tanben que daubuas dificultats ne hèn pas l’objècte d’un capítol e totun que son presentas. A vosautas e vosautes de ve’n servir e de las ve har vòstas.
- Una revirada occitana novela de Le Petit Prince de Saint-Exupéry ven de surtir, aqueste còp dins una version dau parlar de L'Esterp (Charanta), perpausada per Margarita Desnoël-Savy e pareguda a las edicions Tintefass.
Informacions - Joan Loís Lavit que vien de sortir au mes d'abriu un obratge navèth, Un Brigalh de pèira blua, un roman d'aventuras, de viatge e de diferéncias culturaus, a las edicions Letras d'òc.
Tà'n saber mei - Dins son novèl obratge entitolat Le Roman en langue d’oc. Émergence et expansion (ed. Aqua Aura), Joan-Ives Casanòva met en perspectiva los romans en pròsa en occitan pareguts entre 1840 e 1930, e ne prepausa una analisi dins sa globalitat, son espandida geografica e sa cronologia.
Informacions - Euròpa, novèlas e racontes qu'ei lo navèth obratge sortit a las edicions Reclams.
"Qué vs'inspira Euròpa ?" Que’s pausè la question a dotze autoras e autors regionaus contemporanèus. Que responón dab dotze novèlas qui's passan senglas dens un país diferent, qui van de la ficcion istorica a la sciéncia ficcion.
Tà'n saber mei - Ongan es lo centenari de la naissença de Bernat Lesfargas, poèta e traductor peiregordin. Per aquela escasença las edicions Novelum presentan Poèmas - Poèmes, un florilègi de poèmas causits per l'autor, acompanhat d'un CD de 42 tèxtes legits e amassats per sa molhèr Michela, lor amiga Beatriça Becquet, e Monica Burg. Lo tot es illustrat per de musicas originalas de Maurici Moncozet.
Informacions