Novèl ensag sociolingüistic del doctor catalan en lingüistica romanica e professor Gentil Puig-Moreno, publicat a las edicions Yoran Embanner.
Segon lo lingüista De Saussure, estant que parlam totes, avèm una idèa de nòstra lenga mas pas forçadament confòrma a la del lingüista. Atal, presentar simplament l'estat e lo ròtle de nòstra pròpria lenga - e de las lengas en general - es l'objectiu d'aquel obratge de vulgarizacion. Caliá desbordar la lingüistica estricta per anar cap a l'usatge social de la lenga e, per aquò, s'interessar a las variacions qu'aquel usatge meteis implica. Pasmens, l'actualitat impausa la question del ròtle politic de la lenga, çò qu'implica una analisi de las situacions lingüisticas en França e en Espanha (caduna ocupant un tèrç del libre), mas tanben las d'autres païses e d'autras lengas dont l'actualitat infòrma de la tragèdia de pòbles victimas de guèrras.