Augan, l'Universitat de Pau e deus País de l'Ador qu'a aviat un cors suu lengatge shiulat. Qu'ei gavidat per Felip Biu, sòci deu Conselh lingüistic deu Congrès e president de l'associacion « Lo siular d'Aas ».
Las formas shiuladas de lengas parladas que s'arretròban dens mei d'un parçan deu monde, com las Canarias, Grècia, Turquia, Marròc o enqüèra la Vath d'Aussau on e shiulan l'occitan.
Que perpausan aqueth cors en opcion facultativa en lo cursus d'occitan e qu'auré d'estar inscrivut l'an qui vien en lo cursus oficiau de l'universitat. Que's parla tanben d'ac méter en linha e de perpausar ua aplicacion taus telefonets.