Publicacion lexicografica novèla en cò de l’Harmattan : L'occitan du sud-est de la Charente. Grammaire et lexique du parler d'oc des pays d'Aubeterre-sur-Dronne et de Villebois-Lavalette, per Olivier Dussouchaud.
La zòna de transicion entre lenga d'òc e lenga d'oil travèrsa la quasi totalitat de l'espaci galloroman d'èst en oèst. Un limit net i altèrna amb d'airas de parlars intermediaris, dont sustot lo parlar angomoisin - tanben nommat de biais mai contemporanèu peiregordin occidental -, al sud-èst de Charenta suls ancians cantons d'Aubeterre-sus-Dronne e Villebois-Lavalette, tanben apelats Creissent meridional en referéncia al Creissent marchés mai al nòrd. Aquel obratge s'inscriu dins una optica de lingüistica descriptiva e permet de descobrir aquel parlar occitan particular segon un nombre larg de perspectivas : fonetica, lexic, prosodia, gramatica e conjugason. Per caduna d'entre elas, aqueste parlar se caracteriza per una màger part de traches occitans, regularament associats a qualques traches de lenga d'oïl.