Dens l'encastre deu capdulh europèu de la cultura 2016, Donostia (País Basco) qu'arcuelharà deu 4 au 10 de julhet lo Codefest. Aqueth eveniment que serà un laboratòri d'estiu tà revitalizar las lengas dab ressorsas limitadas en hargant utís eficaç tà la comunicacion electronica e en ensenhant a las comunautats com utilizà'us.
Pendent tota la setmana, los participants que's poderàn familiarizar dab las darrèras tecnologias ligadas a las lengas e desvolopar aplicacions basadas sus aqueras. Los grops de tribalh qu'amassaràn lingüistas, engenhaires en logiciau e estudiants.
Lo Codefest que's harà tota la setmana e que serà seguit pendent la dimenjada per un « editaton » (« maraton » d'edicion) axat sus las lengas minoritàrias. Lo monde que tribalharàn sus articles de Wikipèdia ligats a Donostia en lo mei gran nombre de lengas possible.