L'Universitat Tolosa - Joan Jaurés, en collaboracion emb l'Etnopòle Garae organizan un collòqui sus Marcela Delpastre a Tolosa e a Carcassona au mes d'octòbre.
L'eveniment es organizat per Joan-Peir Cavaillé e Joan-Francés Courouau (ELH).
Païsana de Lemosin, Marcela Delpastre es l'autora d'una òbra abondosa, escricha en francés e en occitan lemosin, que s'i costejan de las novelas, daus poèmas dramatics, una entrepresa etnografica de las grandas (collectatges e analisi de contes, estudis sus las practicas culturalas de Lemosin e lor interpretacion etnologica), lo tot completat per una autobiografia en set volumes, per de las cronicas paregudas dins daus jornaus emai per una correspondéncia voluminosa.
Dins 'quel encastre, dau 23 au 25 d'octòbre de 2024, de las manifestacions nombrosas son previsdas : exposicion, conferéncias e rencontres, projeccion, representacions artisticas…
- Consultatz lo programa detalhat : https://plh.univ-tlse2.fr/accueil-plh/manifestations-scientifiques/colloques/journees-detudes-marcelle-delpastre-une-femme-monde