En mai de 2021, èra votada la lei relativa a la proteccion patrimoniala de las lengas regionalas e a lor promocion dicha « Loi Molac » que lo Conselh constitucional censurava parcialament en seguida.
Dempuèi, una interpretacion restrictiva de l'article 2 de la Constitucion (qu'indica notadament que la lenga de la Republica es lo francés) contunha a èsser sistematicament opausada a cada avançada possibla per nòstras lengas, e los problèmas se multipliquan.
- La situacion dels Fañch, Iñaki, Aña, Artús es totjorn pas esclarida e la libertat de causir lo prenom de son mainatge o sa mainatja amb un signe dich « diacritic » es sistematicament remesa en question
- Las collectivitats publicas que desiran desvolopar l'usatge de nòstras lengas dins lors institucions son estadas sistematicament atacadas e lors deliberacions anulladas al Conselh d'Estat o al tribunal administratiu (Polinesia Francesa, Comunas catalanas d'Elne, Pòrt-Vendres, Amélie-los-Banhs e Tarerach, Collectivitat territoriala de Corsega, reconeissença de cooficialitat del Creòl en Martinica)
- La situacion se degrada dins l'ensenhament amb :
- l’« oblit » de las lengas regionalas pendent las reformas del collègi, reformas del licèu, « tust dels sabers » e ara pendent la reforma anonciada de la formacion dels ensenhaires ;
lor disparicion per las espròvas del bachelierat e sola la lucha a permés que siá pas lo cas pel brevet aquela annada ; - la non-aplicacion de la generalizacion de l'ensenhament de las lengas regionalas a totes los escolans d'un territòri qu'o desiran, inscricha dins la lei en 2021, perque cap de mejan suplementari permetent d'aténher aquel objectiu es pas estat engatjat pel Ministèri de l'Educacion Nacionala ;
- las alèrtas de la cambra regionala dels comptes de Bretanha que fa remarcar l'insecuritat juridica de la circulara de l'Educacion Nacionala de 2021 (supausada protegir l'ensenhament per immersion, en seguida de la censura del Conselh constitucional) amb sa possibla remesa en question a cada moment per un governament novèl,
- lo blocatge de la contractualizacion de Scola Corsa e lo non-renovelament de las convencions amb Seaska o Diwan.
- l’« oblit » de las lengas regionalas pendent las reformas del collègi, reformas del licèu, « tust dels sabers » e ara pendent la reforma anonciada de la formacion dels ensenhaires ;
Nòstras lengas pòdon pas viure dins aquela precaritat. An besonh que çò qu'es estat bastit fins ara pòsca pas èsser remés en causa. An besonh que los projèctes d'avenidor sián assolidats. An besonh d'una securitat juridica que necessita tre ara una modificacion de la Constitucion.
Aquí perqué lo collectiu Pour que vivent nos langues crida a d'amassadas au País Basc, en Bretanha, Corsega, Alsàcia, Catalonha, dins l'espaci occitan e los diferents territòris concernits, lo dissabte 1ᵉʳ de junh de 2024 per demandar una modificacion de la constitucion ara ! Pour que vivent nos langues e que poscam viure dins nòstras lengas !
Lista dels lòcs de recampament en Occitània :
- Calandreta Narbonesa Sosprefectura 11 h
- Calandreta Narbonesa Maison comuna 11 h 30
- Los Cascamèls Rieus Maison comuna Trauça 10 h 30
- Los Cascamèls Rieus Maison comuna Felina 11 h
- Calandreta Bocona Maison comunaa Legavin 10 h
- Calandreta Bocona Maison comuna Pibrac 11 h
- Collegi Pais Tolzan - Còsta Pavada Maison comuna Tolosa 11 h
- Collegi Pais Tolzan - Còsta Pavada Prefectura Tolosa 11 h 30
- Calandreta Pergosina Palais de justícia 11 h
- Calandreta Cornonteral Plaça de la mairia 11 h
- Calandreta de Carcassona Cort de Barbacana 11 h 45
- Calandreta del Galhaguès Maison comuna de Galhac 11 h 30
- Calandreta Aimat Serre Ostau Cairat 10 h 30
- Calandreta Del País Sud Tolosan Maison comuna de Senta Gabèla 14 h
- Calandreta Lescar Maison comuna de Lescar 14 h 30
- Calandreta d'Albi/ Albi occitana/ Fede Despartementala Conselh departamental 10 h 30
- Calandreta d'Albi/ Albi occitana/ Fede Despartementala Maison comuna d'Albi 11 h
- Calandreta del País Murethin Sosprefectura Mureth 11 h
- Calandreta de Pàmias Prefectura de Foish 11 h
- Calandreta de Pàmias Davant la maison comuna (dia de mercat) 11 h
- Calandreta de Vilafranca de Lauragués Davant la maison comuna 11 h
- Calandreta Sen Seren (46) Davant la maison comuna o plaça del Mercadial a St Céré 11 h
- Calandreta Ametlier CIRDOC orari de precisar
- Calandreta Falabreguièrs et Besierencas Maison comuna orari de precisar
- Calandreta Lo Garric Ostal del departament orari de precisar
- Calandreta del pastel Lavaur Festival Total Festum orari de precisar
- Calandreta del pastel Lavaur Maison comuna de Lavaur orari de precisar
- Calandreta Castresa Maison comuna de Castras 11 h
- Calandreta Jansemineta Maison comuna 14 h 30
- Calandreta Jansemineta Prefectura 15 h 30
- Calandreta de Biost (64) Escòla e maison comuna 11 h 30
- Calandreta Bel Solelh Brageirac Sosprefectura 10 h 30
- Calandreta André Minvielle - Lo Lis Maison comuna 11 h
- Calandreta Gap Prefectura 11 h 30
- Calandreta deu Seuvèstre (Porciuvas - 64) Maison comuna 10 h