L'Universitat Occitana de La Guépia (82), organizada per las associacions Lenga Viva e Escambiar, se farà del 15 al 21 de julhet de 2024.
Aquel eveniment prepausa una setmana animada per de conferéncias, dels obradors de lenga, de dança o de cant, de concèrts, e d’encontres a l'entorn de la lenga e de la cultura occitanas.
Aquela annada, se poirà per exemple participar a de nombroses talhièrs : talhièrs de ràdio, de cant, de dança, d'instrument (violon, acordeon), de traduccion de cançons… o encara a mantuna conferéncia e concèrt, representacions teatralas, passejadas onomasticas, concorses d'istòrias…