Lo director del Congrès permanent, Benaset Dazéas, presentèt las evolucions a venir del site del Congrès a Donostia,
a l’escasença d'una conferéncia titolada "Environament numeric, estandardizacion de las lengas e lenga basca", organizada per Euskaltzaindia, que festejava atal sos 100 ans d'existéncia.
En mai del Congrès permanent, mantun organisme foguèt convidat per crosar los agaches sus la problematica de la socializacion e de l'estandardizacion de las lengas pel mejan del numeric : l'Atilf (amb lo CNRS & l'Universitat de Lorrena) pel francés, la Real Academia Española pel castelhan, la Real Academia Galega pel galician, l'Acadèmia frisona (Fryske Akademy) pel frison, e plan solide los nombroses actors pel basque coma Euskaltzaindia, UZEI, Elhuyar, o tanben lo grop IXA de l'Universitat del País Basco.
Foguèt l’escasença d'escambiar las practicas autant coma d’afortir lo malhum ja en plaça pel programa Linguatec del Poctefa, dont mai d'un representant èra sus plaça per presentar las avançadas fachas dins l'encastre d'aquel programa.
L'experiéncia de totes poguèt noirir las reflexions e los projèctes de totes los sòcis presents.