Mercés al formatatge en TEI de sas ressorsas, Lo Congrès ven d'ajustar dos otisses a sos diccionaris especials : un diccionari dels noms pròpris e un diccionari dels gentilicis.
Se farguèt aquel diccionari dels noms pròpris mercés a las seccions « Noms pròpris » dels diccionaris del dicod'Òc que ne compòrtan, e pels autres, en n'extrasent automaticament aqueles mots. S'i ajustèt lo Lexic occitan dels prenoms del Congrès. L'otís final prepausa quicòm coma 14 000 entradas.
Los gentilicis foguèron tirats automaticament del Diccionari provençau-francés del CREO, de la Palanqueta d'Andriu Lagarda e de la Wikipèdia occitana. Trobaretz dins lo diccionari dels gentilicis mai de 1200 noms de luòc (vilas, païses, continents) amb lo nom (e de còps l'escaisnom) de lors estatjants.