Lo Congrès permanent de la lenga occitana es aürós de vos anonciar la mesa en linha de sa darriera produccion : un lexic francés-occitan lemosin.
Basat sus lo Basic, lexic elementari e ortografic francés-occitan dau Congrès, conten pas mens de 14 000 entradas. Quò es 'laidonc una espleita per lo public aprenent – collegi e liceu – compausat per Danís Chapduelh, emb lo sosten de mai d'un membre de nòstre Conselh linguistic, segon lo doble principi d'accion dau Congrès : la valorizacion de l'unitat de l'occitan dins lo respecte de sa diversitat.
Quela edicion es tanben una prumiera que ven taponar - enfin ! - un cròs, puei que jussinca uei existissiá degun diccionari en linha dins la varietat lemosina. Enfin, es accessible dins l'aplicacion dicod'Òc, quò vòu dire dempuei vòstre esmartfòne, 'laidonc... 'chabatz d'entrar !