Lo Congrès sortís un novèl otís per los qu’estúdian la lenga occitana e son utilizacion : Frequéncias. Balha la frequéncia d’aparicion de fòrmas dins un còrpus de mai de 12 milions de mots.
Frequéncias vos permet atal d’aver una idèa de la frequéncia d’utilizacion d’un mot dins la lenga. Per l’occitan gascon e l’occitan lengadocian, veiretz tanben una estimacion d’aparicion dels mots amb lors formas flechidas inclusas. Se clicatz sus una forma, auretz lo detalh de sas frequéncias per varietat, grafia e genre.
Podètz afinar vòstra recèrca per genre (literatura, mèdias e divèrses) o per varietat e grafia. Podètz tanben cercar per forma exacta, per debuta, fin o partida de forma, o amb una expression regulara. Enfin, se pòt exportar en CSV la resulta de vòstra recèrca.
L’otís es pensat per balhar als lexicografes, lingüistas e autres cercaires qu’estúdian la lenga d’estatisticas lexicalas sus un còrpus larg, dins un format de bon utilizar e de tractar automaticament.
- L’otís es disponible a l’adreiça : https://freqlex.locongres.com