Balhatz la votz tà l'occitan !
Lo Congrès permanent de la lenga occitana qu'avia ReVOc, un programa transfronterèr triennau de desvolopament de la reconeishença vocala en occitan (tà las soas varietats gascona e lengadociana).
La reconeishença vocala qu'ei l'utís qui analisa la votz e qui la transcriu dab la fòrma d'un tèxte escriut. Que hè partida de las tecnologias de tractament de la paraula qui permeten aus umans d'escambiar oraument dab las maquinas, mercés a interfàcias vocalas.
La reconeishença vocala qu'ei indispensabla tà realizar utís com lo sostitolatge automatic de video, las aplicacions de dictada vocala o los assistents personaus intelligents.
Tà bastir aqueth utís, que hè besonh ua quantitat bèra de frasas enregistradas dab locutors variats (en atge, en genre, en zòna geografica...). Tad aquò har lo Congrès qu’a editat ua platafòrma contributiva tà que tot cadun e posca participar en enregistrant la soa votz : aquesta qu’ei alandada a los qui volhan balhar la votz, lavetz ça-vietz tots !
Tot parièr que’s creè un partenariat de compte har, dab mei d'un trentenat d'estructuras occitanas (editors, mèdias, institucions, etc.) tà recaptar mestior audio e textuau dejà existenta.
Que's hè ReVOc dens l'encastre d'un partenariat dab la Rolde de Estudios Aragoneses (qui desvolòpa la medisha tecnologia entà la lenga aragonesa) e la fondacion basca Elhuyar (en carga de la partida tecnica deu programa) e qu’a lo sostien financèr de las regions Navèra Aquitània e Occitania, e lo departament deus Pirenèus Atlantics.
Tutoriau de la platafòrma ReVOc :