Lo Congrès ven d'ajustar un otís a sos diccionaris especials : un diccionari d'expressions e locucions per totas las varietats de l'occitan.
Es estat bastit a partir dels memòris de mestresa de Florença Marcouyre, jos la direccion de Maurici Romieu e Joan-Breç Brana, jos la direccion de Felip Biu. Aqueles an recensat, transcrich e commentat mai de 2 500 expressions del Dictionnaire du Béarnais et du Gascon modernes de Simin Palay.
S'i son ajustadas las expressions e locucions dels diccionaris del dicod'Òc, que ne son estadas extraitas automaticament mercés a lor formatatge en TEI. L'otís compta ara mai de 50 000 expressions en occitan dins totas sas varietats (auvernhat, gascon, lemosin, lengadocian, provençal e vivaro-alpenc).