Lo Congrès bota a disposicion un otís que transcriu en AFI (Alfabet fonetic internacional) de frasas en occitan.
L'otís foguèt realizat dins l'encastre del desvolopament de la sintèsi vocala en occitan (programa auropèu Linguatec) e èra accessible via una API (Application Programming Interface). Lo Congrès fa son utilizacion accessibla a totes, e prepausa ara una interfàcia per totes los publics.
A l'adreça fonetizaire.locongres.com, podètz ara fonetizar un tèxte copiat-pegat o de documents (formats txt o csv) dins totas las varietats de l'occitan. Lo fonetizaire es optimizat pel gascon e pel lengadocian e es encara en fasa de tèst per las autras varietats. Totes los retorns que poiriatz far nos ajudaràn a lo perfeccionar.