Lo 25 de julhet passat, au parat de l'Estivada - hestau interregionau de las culturas occitanas, Guilhèm Latruvèrsa, conselhèr regionau de Mieidia-Pirenèus, e Dàvid Grosclaude, conselhèr regionau d'Aquitània, que presentèn l'Ofici public de la lenga occitana (OLPLO) aus operators.
Aqueth navèth utís dedicat a la promocion de la lenga occitana qu'estó aprovat en assemblada plenària de las Regions Aquitània e Mieidia-Pirenèus en junh.
L'objectiu d'aqueth G.I.P (Gropament d'Interès Public) que serà d'assegurar la sauvaguarda e lo desvolopament de l'occitan, en tribalhant de cap a l'aumentacion quantitativa e qualitativa deu nombre de locutors. Que participarà a la mesa en òbra d'ua politica lingüistica publica interregionau mei especificament taus maines de l'ensenhament, deus mèdias e de l'observacion. Que sostienerà tanben lo Congrès permanent de la lenga occitana.
L'Ofici public de la lenga occitana qu'a per vocacion d'arcuélher lèu d'autes partenaris, com l'Estat o d'autas Regions, entà que la politica miada e sia la mei larga qui's posca.
Véder la presentacion de l'Ofici Public de la Lenga Occitana sus ÒCtele :
