Descobritz lo dispositiu Écouter-Parler, qui trauca lo territòri tà har descobrir las lengas parladas en França e envitar los participants a contribuµïr au Portrèit sonòre de França.
ÉCOUTER-PARLER, lo Laboratòri mobile de las lengas, qu'ei un projècte culturau e scientific qui trauca lo territòri a bòrd d'un camion entà enregistrar conversacions e practicas lingüisticas quotidianas mei. Que’s hè en francés mes tanben en las divèrsas lengas de França, qu'ei a díser regionaus o de l'immigracion sustot.
Lo dispositiu qu'ei produsit per la DGLFLF e HumaNum.
Dens l'encastre d'un partenariat entre,lo CIRDÒC-Institut occitan de cultura, l'Ofici public de la lenga occitana e lo Congrès permanent de la lenga occitana, lo camion que serà present sus eveniments bèths de la causa occitana, entà presentar la diversitat lingüistica en França, la diversitat dialectau de l'occitan e collectar los locutors au mei pròche de casa. Los non-locutors o los locutors dits “passius” que son tanben envitats : ça-vietz participar ad aquera fotografia lingüistica e culturau de la fin deu prumèr quart deu sègle 21au !
Per ua prumèra experiéncia d'aqueth desplegament, que vam traucar Gasconha dens l'encastre de la Passem 2026 e de son Mes de la lenga. Que consideram perseguir aquera afranquida en foncion deus nostes partenaris sus l'ensemble de l'Occitània lingüistica entà har pròva de la riquessa de la lenga nosta.