Crida a comunicacions tà l'obrador de lingüistica occitana
« L’obrador de lingüistica occitana » que s’aplegarà tà la soa ueitau edicion a Pau los 5 e 6 de julhet.
XVIIIau collòqui d'onomastica a Tolosa
La Societat francesa d’onomastica (SFO), lo laboratòri CLLE-ERSS (CNRS - Universitat Tolosa Joan Jaurès) e Lo Congrès, dab lo sostien de la DGLFLF, de la Region Occitània via l'Ofici public de la lenga occitana e de l’Universitat de Tolosa Joan Jaurès, qu’organizan lo XVIIIau collòqui d’onomastica a Tolosa deu 17 au 19 de genèr.
Obertura de las inscripcions al DCL d'occitan
Las inscripcions pel DCL occitan, que se debanarà lo 30 de mai de 2018 dins quatre acadèmias del territòri, son ara obèrtas.
Trobada d'agòr - Vastin Lespy
La Trobada d'agòr, organizada cada annada per Transmetem a Auloron (64), que's harà augan dissabte 18 de noveme e qu'aurà per tematica Vastin Lespy.
Jòcs numerics plurilingües e desvolopament durable
Portat pel CIRDÒC, lo projècte Erasmus + « Percors TICE : L'EDD dins nòstras lengas » amassa d'escolans e d'ensenhaires bilingües o plurilingües a l'entorn de l'educacion al desvolopament durable a travèrs la creacion de jòcs numerics.
Session de 2017 deu DCL occitan
Qu'avetz dinc au 6 d'abriu entà'vs marcar tà la session de 2017 deu Diplòme de Competéncia en lenga tà l'occitan.
Collòqui Juli Ronjat a Besièrs
Lo dissabte 28 de genièr se debanarà a Besièrs un collòqui a l'entorn de l'òbra de Juli Ronjat, felibre romanista.
Oc-a-ton a Vilhèra los 9 e 10 de deceme
L'InÒc Aquitània e lo Congrès que v'invitan a las jornadas contributivas en occitan, Oc-a-ton, organizadas en partenariat dab Wikimedia France, divés 9 e dissabte 10 de deceme de 2016, au Castèth d'Este de Vilhèra (64).
Lo vocabulari de l'actualitat en occitan
Lo Congrès e la FIMÒC qu'organizan un encontre-formacion tà çò deu vocabulari de l'actualitat en occitan lo 25 de noveme a Tolosa e lo 5 de deceme a Vilhèra.
30en collòqui FLAREP
Lo 30en collòqui de la FLAREP, sul tèma « Identitat e alteritat. Las lengas regionalas dins l'ensenhament public », se farà del 22 al 24 d'octobre a Montpelhièr.
Formacion a la traduccion
Letras d'Òc e l'associacion AIDO qu'organizan a Bedós (64) deu 1èr dinc au 3 de deceme ua formacion a la traduccion.
Codefest
Dens l'encastre deu capdulh europèu de la cultura 2016, Donostia (País Basco) qu'arcuelharà deu 4 au 10 de julhet lo Codefest. Aqueth eveniment que serà un laboratòri d'estiu tà revitalizar las lengas dab ressorsas limitadas en hargant utís eficaç tà la comunicacion electronica e en ensenhant a las comunautats com utilizà'us.
Escòlas e universitats occitanas d'estiu
Coma cada an, l'estiu serà l’ocasion de participar en de rescòntres e d’estagis a l’entorn de la lenga occitana : Escòla occitana d'estiu (EOE), Universitats occitanas d'estiu (UOE), Rescòntres occitans en Provença...
Jornada del libre occitan de Sent Orenç
La jornada del libre occitan se debanarà a Sent Orenç, en Garona-Nauta, lo dimenge 31 de mai. I aurà tota la jornada un mercat del libre, un mercat occitan e d'autras animacions.
Jornada del CREO : Musica e cant en occitan
La jornada del CREO Lengadòc se debanarà lo 6 de junh al CRDP de Montpelhièr e aurà per tematica « Musica e cant en occitan ».
Occitan e Internet : quina estrategia tà l'aviéner ?
Lo dimèrcs 26 de noveme a 17 h au Castèth d'Este de Vilhèra, que's harà la restitucion publica deus tribalhs de la formacion ADEPFO : « Diagnostic e desvolopament numeric de l'occitan - huelha de rota 2015-2019 ».
Collòqui « Legir Frederic Mistral en 2014 »
Lo CIRDÒC, en partenariat amb mantunas còlas de cercaires, organiza los 20 e 21 de novembre a Besièrs un collòqui titolat : « Legir Frederic Mistral en 2014 : tèmas, formas e lenga d'una literatura ».
Jornadas del patrimòni al CIRDÒC
Las jornadas europèas del patrimòni se faràn ongan los 20 e 21 de setembre. Lo tèma ne serà : « Patrimòni cultural – patrimòni natural ». L'occitan i serà present en mantun endreit, per exemple al CIRDÒC.
Trobada Guilhèm d'Aquitània
La comuna de Peitieus qu'arcuelherà los divés 12 e dissabte 13 de seteme ua trobada internacionau autorn de Guilhem d'Aquitània, organizada per Katy Bernard, presidenta de l'InÒc Aquitània, jos l'egida de l'AIEO.
Universitats e escòlas occitanas d'estiu
Coma cada annada, en julhet e en agost, poiretz apréner l'occitan a l'escasença de las escòlas e universitats occitanas d'estiu. I aurà l'UOE a Nimes del 5 al 9 de julhet, la de La Guépia del 7 al 13 de julhet e l'EOE de Vilanuèva d'Òut del 17 au 23 d'agost.
XIen congrès de l'AIEO
Lo XIen congrès de l'Associacion internacionala d'estudis occitans se debanarà del 16 al 21 de junh a Lhèida, en Catalonha. Quicòm coma 150 personas vengudas d'un seissantenat d'universitats d'un dotzenat d'Estats i intervendràn sus divèrsas tematicas ligadas a la lenga e la cultura occitanas.
28en congrès de las Calandretas
La Confederacion de las escòlas laïcas Calandretas organizarà son 28en congrès del 29 al 31 de mai a Mejanas lo Clap, dins Gard. La tematica que ne serà : « Calandreta : per cultura avançar ».
L'InÒc qu'organizè un collòqui suu PCI
L'InÒc Aquitània e lo laboratòri ITEM de l'Universitat de Pau e deus país de l'Ador que coorganizèn a Pau, deu 15 au 17 de mai, un collòqui internacionau titolat « Lo Patrimòni Culturau Immateriau : de l'inventari a la governança ».