L'Universitat Joan Jaurès de Tolosa que crèa a la rentrada de 2016 un navèth Master « Estudi e valorizacion deu patrimòni occitan » (EvÒc).
Se volètz venir regent en Calandreta, vos podètz inscriure per la session de 2016 de la Jurada, l'examèn d'entrada a la formacion d'Aprene per ensenhar dins las escòlas Calandreta.
Dijaus lo 25 de heurèr, lo laboratòri CLLE-ERSS de l'Universitat Joan Jaurès de Tolosa qu'organizè un seminari sus las tecnologias deu lengatge e l'occitan.
Lo 23 de genèr passat, la fondacion Wikimédia qu'organizè dab lo sostien de la DGLFLF un seminari arron lo desvolopament de la contribucion a Wikipèdia tà las lengas de França.
Bona annada, urosa e granada per vosautres, los vòstres e la nòstra lenga
Baste que l’an novèl
valga mai que non pas lo vièlh….
L’an vièlh 2015, o cal ben dire, es estat òrre, un annus horribilis, al nivèl internacional, nacional e per l’occitan.
L'Agéncia Nacionau de la Recèrca e de la Tecnologia que sòrt d'atribuir a l'etnopòle InÒc Aquitània ua borsa CIFRE tà integrar a la soa equipa ua estudianta qui hè ua tèsi de doctorat en recèrca e desvolopament.
Divendres lo 8 de genièr, a l'escasença d'una ceremònia al CIRDÒC, los professors de l'Universitat Paul Valery de Montpelhièr Felip Martel e Maria-Joana Verny recebèron los insignes de « Cavalièrs de las Arts e Letras ».
Las ressorsas d’Occitanica son ara presentas dins Gallica, gràcias al pòl associat ligat entre la BnF e lo CIRDÒC.
La Federacion de las Calandretas de Lengadòc decidiguèt d'organizar una jornada pòrtas obèrtas lo 23 de genièr de 2016 dins cada establiment Calandreta de la region.
Lo 17 de noveme, a Onessa e Laharí, un quinzenat de mediatecaris de las Lanas que participèn a un dia de formacion a la literatura occitana gascona organizada per l'InÒc Aquitània.
Lo CIRDÒC a aviat lo Repertòri del Patrimòni Cultural Occitan (RPCO). Aquel portal a per tòca de regropar progressivament las entresenhas sus las òbras, los fonses documentaris, los luòcs, las personalitats e las expressions immaterialas que fan la riquesa del patrimòni cultural occitan.
Lo Congrès permanent de la lenga occitana e lo laboratòri CLLE-ERSS (CNRS/Universitat Tolosa-Joan Jaurès) qu'an aviat ua aliança entà la creacion d'un lexic obèrt de las formas flechidas de l'occitan (Loflòc).
L'Etnopòle InÒc Aquitània e la DGP deu Ministèri de la Cultura qu'organizan a Vilhèra los 11 e 12 de noveme au Castèth d'Este lo 1èr Seminari annau en etnomusicologia de França entitolat « Espiars crotzats suus procèssus de transmission de las musicas tradicionaus en França ».
Lo CIRDÒC e l'Agéncia Nacionala recèrca e tecnologia (ANRT), en aliança amb lo laboratòri de recèrca LLACS-RedÒc e l'Universitat Paul Valery de Montpelhièr, an signat amassa una convencion CIFRE a l'entorn de las tecnologias del lengatge.
La lenga occitana es marcada per l’UNESCO coma una dei lengas en « dangier seriós d’extincion ». Fàcia a aqueste perilh de mai en mai gròs, e ai riscas de regression qu’amenaçan nòstra lenga, la « Coordinacion per la lenga occitana » rampèla a una mobilizacion ciutadana per una granda Manifestacion sociala e revendicativa en favor de l’occitan, lo dissabte 24 d’octòbre de 2015 a 14 h a Montpelhier.
Dens l'encastre de la jornada europèa de las lengas, la Collectivitat territoriau de Corsega e l'Universitat Pasquale Paoli de Corte qu'organizèn deu 29 de seteme au 3 d'octobre las jornadas Linguimondi on Lo Congrès èra envitat.
Joan-Pèire Belmon, escrivan, òme de television e de ràdio, ancian productor de l'emission Vaquí sus France 3, president del Cep d'Oc, es mòrt lo 25 de setembre.
Lo CIRDÒC a mes en linha las videos de las intervencions de la segonda Jornada Occitanica, que se debanèt lo 2 de mai e qu'aviá per tèma « La numerizacion del patrimòni per la transmission de las lengas de França ».
Tà har la promocion de la rentrada deus cors d'occitan, lo CFPÒC Aquitània e l'InÒc Aquitània que realizèn Las hèitas de Kévin, ua seguida de tres videos dab un episòdi a descobrir tota setmana.
Lo Congrès qu'a mes en linha ua navèra rubrica dens lo son top'Òc, la basa toponimica occitana. La Passejada que'vs perpausa de descobrir de faiçon ludica uas vilas d'Occitania.
La mediatèca numerica occitana Occitanica a dobèrt un espaci dedicat a la recèrca scientifica, en partenariat amb las universitats e los centres de recèrca en domeni occitan.