Diccionari scientific francés-occitan de Josiana Ubaud
Josiana Ubaud publica un Diccionari scientific francés-occitan. Balha, per l'occitan lengadocian e l'occitan provençal, lo vocabulari de las matematicas, de l'informatica, de la fisica, de la tecnologia, de la quimia e de la mineralogia.
Presentacion de l'Ofici public de la lenga occitana a l'Estivada
Lo 25 de julhet passat, au parat de l'Estivada - hestau interregionau de las culturas occitanas, Guilhèm Latruvèrsa, conselhèr regionau de Mieidia-Pirenèus, e Dàvid Grosclaude, conselhèr regionau d'Aquitània, que presentèn l'Ofici public de la lenga occitana (OLPLO) aus operators.
Vidas, un diccionari biografic sus Occitanica
La compausanta LLACS/REDOC de l'Universitat Paul Valery de Montpelhièr e lo CIRDÒC venon de realizar un diccionari biografic en linha dedicat als actors dels movements occitans.
L'Enfugida
Aquel raconte de Joan-Ives Casanòva nos mena dins l’escur d’aqueles escambis que se i farga la vida de cadun dels personatges. Per la fòrça d’una escritura que cèrca de res oblidar, e que pasmens ne finís pas de se negar dins los entrebescaments de la memòria, sèm entraïnats dins la tenèbra de l’Istòria.
locongres.org 2.0 : navèth site, navèras foncionalitats !
Au cap d'un an e miei de foncionament, Lo Congrès qu'avia la version 2.0 deu son site ! Tà respóner miélher aus besonhs, que l'avem actualizat e enriquit de ressorsas navèras.
Lo lingüista e escrivan occitan Pèire Bec que ns'a quitats
Pèire Bec, lo gran lingüista e escrivan occitan, que ns’a deishats aqueth diluns 30 de junh 2014.
Lo Congrès que hasó la soa Amassada Generau
L'Amassada Generau Ordinària deu Congrès permanent de la lenga occitana que s'amassè lo 21 de mai de 2014 a l'Ostal d'Occitània a Tolosa. Devath la presidéncia de Gilabèrt Mercadièr, los sòcis que hasón lo bilanç formau de 2013 e qu'escambièn suu programa d'accion tà 2014.
La jornada d'estudis a l'entorn de Leon Còrdas sus Occitanica
Lo CIRDÒC a realizat una captacion sonòra de la jornada d'estudis consacrada a Leon Còrdas, organizada lo 22 de novembre de 2013 per RedÒc, la compausanta del laboratòri de recèrca LLACS de l'Universitat Montpellier III. La prepausa a l'escota sus Occitanica.
Des littératures périphériques
Las Presses Universitaires de Rennes publican un recuèlh d'articles sus las literaturas « regionalas, petitas, connèxas, minoras, minorizadas o marginalas ». Se titola : Des littératures périphériques.
Publicacion deus actes sus Xavièr Navarròt
L'associacion Transmetem que hè paréisher los actes de la jornada d'estudi consacrada en 2012 au 150au aniversari de la mort de Xavièr Navarròt, lo poèta e cançonaire auloronés, dens un libe titolat : Trobada d'agòr/Xavier Navarròt (1799-1862).
Gestion des minorités linguistiques dans l’Europe du XXIe siècle
Las Éditions Lambert-Lucas publican Gestion des minorités linguistiques dans l’Europe du XXIe siècle. Jos la direccion de Carmen Alén Garabato, aquel obratge recampa d'articles sus las minoritats lingüisticas de tot lo continent.
Collòqui sus las lengas a l'Amassada nacionau
A l'iniciativa de Colette Capdevielle, e dab lo sostien de Jean-Jacques Urvoas e Paul Molac, un collòqui sus l'aviéner de las lengas regionaus en França qu'èra organizat lo dimars 3 de junh a l'Assemblada nacionau.
Les langues de France
Aqueth petit còdi, prefaciat per Aurélie Filippetti, que s'adreça a tots los qui son pertocats per ua melhora reconeishença de las lengas de França o qui s'interèssan a la pluralitat culturau, dont las lengas e son los vectors.
Universitats e escòlas occitanas d'estiu
Coma cada annada, en julhet e en agost, poiretz apréner l'occitan a l'escasença de las escòlas e universitats occitanas d'estiu. I aurà l'UOE a Nimes del 5 al 9 de julhet, la de La Guépia del 7 al 13 de julhet e l'EOE de Vilanuèva d'Òut del 17 au 23 d'agost.
XIen congrès de l'AIEO
Lo XIen congrès de l'Associacion internacionala d'estudis occitans se debanarà del 16 al 21 de junh a Lhèida, en Catalonha. Quicòm coma 150 personas vengudas d'un seissantenat d'universitats d'un dotzenat d'Estats i intervendràn sus divèrsas tematicas ligadas a la lenga e la cultura occitanas.
Lo Congrès a l'iniciativa d'un plan de desvolopament digitau tà l'occitan
Lo Congrès, dab lo sostien de l'ADEPFO (Associacion de desvolopament deus Pirenèus per la formacion), qu'a decidit de miar ua afranquida inedita arron l'estrategia numerica tà l'occitan. Lo prètzhèit qu'ei d'aviar ua reflexion collectiva arron un plan de desvolopament digitau tà l'occitan.
Diccionari occitan-francés lingüistic e etnografic
Marc Héléna lança una soscripcion per un « diccionari occitan-francés lingüistic e etnografic deu parlar de Gruissan (Aude) ». Se titola La Mémoire d'un village languedocien.
28en congrès de las Calandretas
La Confederacion de las escòlas laïcas Calandretas organizarà son 28en congrès del 29 al 31 de mai a Mejanas lo Clap, dins Gard. La tematica que ne serà : « Calandreta : per cultura avançar ».
L'InÒc qu'organizè un collòqui suu PCI
L'InÒc Aquitània e lo laboratòri ITEM de l'Universitat de Pau e deus país de l'Ador que coorganizèn a Pau, deu 15 au 17 de mai, un collòqui internacionau titolat « Lo Patrimòni Culturau Immateriau : de l'inventari a la governança ».
Novèla edicion dels contes d'Andrieu Lagarda
Letras d'Òc torna editar Les Secrèts de las Bèstias, lo libre de contes d'Andrieu Lagarda. Vos farà viatjar al país de las bèstias que parlan e de Jan Bèstia, dels castèls encantats e dels ponts de veire, de las filhas de rei e del diable colhonat, de las bruèissas e de Jan de l'Ors, de Pitcendràs e dels menaires de lops, de las còrnas d'aur e de l'òme dels dets copats…
Dobertura de la bibliotèca virtuala Frederic Mistral
A l'escasença del centenari de la mòrt de Frederic Mistral, lo CIRDÒC a mes en linha una bibliotèca virtuala que li es consacrada al dintre de la mediatèca numerica Occitanica. Prepausa quicòm coma 200 ressorsas originalas o ineditas a l'entorn de l'autor provençal e de son òbra, e serà enriquida a mesura del temps.
Soscripcion per la cinquena edicion dels Vèrbs conjugats de Patrici Pojada
L'IEO d'Arièja lança una soscripcion per la cinquena edicion de Los vèrbs conjugats. Memento verbal de l'occitan de Patrici Pojada, professor de las Universités et sòci del Conselh lingüistic del Congrès. En mai dels paradigmas complets d’un centenat de vèrbs e dels quadres de las variantas regionalas, de nòtas donan de precisions sus la conjugason de tal o tal vèrb.
Soscripcion per Amb un fil d'amistat
Amb un fil d'amistat es un obratge dins lo qual mai de 80 universitaris, ensenhaires, cercaires, criticas, escrivans e artistas fan un omenatge a Felip Gardy, lor collèga e amic. Nascut en 1948, diplomat de l'Universitat de Montpelhièr ont a format puèi de generacions d'estudiants, Felip Gardy es director de recèrcas al CNRS, director e fondator de Lengas revue sociolinguistique e autor de nombroses libres e articles sus la lenga e la literatura occitanas.