Diccionari ortografic, gramatical e morfologic de l'occitan
![Diccionari ortografic, gramatical e morfologic de l'occitan](/images/recercapub/2014/dicoubaud.jpg)
Aquel diccionari de Josiana Ubaud es lo fruch de sièis annadas de trabalh. Recampa formas centralas e variantas de l'occitan lengadocian, tan eiretat coma modèrne, en abordant totes los camps lexicals, per respondre a totes los publics que demandan una lenga normada e fisabla.
Un estudi sus l'edicion occitana en Aquitània
![L'Edicion en lenga occitana en Aquitània](/images/actualitats/institucion/edicionaq.jpg)
L'InÒc Aquitània que vien de fenir un estudi sus l'edicion en lenga occitana en Aquitània. Que hè un estat deus lòcs de la cordèra e que prepausa quauques preconizacions tau son desvolopament.
L'In'Òc qu'organizè los Encontres literaris deus 2 penents
![Encontres literaris deus 2 penents](/images/actualitats/institucion/2penents.jpg)
L'In'Òc d'Aquitània qu'organizè los sons Encontres literaris internacionaus deus 2 penents deu 8 au 10 de noveme, a l'escadença deu Salon deu libe de Pau. Augan, la tematica qu'estó la traduccion.
Lo congrès de l'AIEO se prepara
![Lhèida](/images/actualitats/institucion/lheida.jpg)
L'AIEO, Associacion interregionala d'estudis occitans, ven de publicar la segonda circulara pertocant son XIen Congrès internacional que se farà a Lhèida, en Catalonha, del 16 al 21 de junh de 2014.
Un site suus trobadors aquitans
![trobar-aquitaine.org](/images/actualitats/institucion/trobaraq.jpg)
trobar-aquitaine.org, lo site suus trobadors d'Aquitània, qu'obrí lo dimarç 24 de seteme. Hargat per l'InÒc d'Aquitània e l'associacion Trobadas, en partenariat dab la BNSA, que'vs hè descobrir las figuras aquitanas màgers de l'art deu Trobar.
Primièra Jornada Occitanica
![Jornada Occitanica](/images/actualitats/institucion/jornadaoccitanica.jpg)
Occitanica, la mediatèca numerica occitana, organiza sa primièra Jornada lo dijòus 17 d'octobre al CIRDOC de Besièrs, dins Erau. Aurà per tematica lo collectatge filmat.
100 000 visitas tau site deu Congrès
![Lo Congrès](/images/actualitats/institucion/sitecongres.jpg)
Lo site deu Congrès, www.locongres.org, que passè en seteme lo cap de las 100 000 visitas despuish la soa aviada lo 28 de noveme de 2012. En dètz mes d'espleitacion, qu'ei ua escaduda de las bèras qui amuisha qu'aqueth site e hasè hrèita au public.
Lo navèth site de l’InÒc-Aquitània
![Site de l’InÒc-Aquitània](/images/actualitats/institucion/siteinoc.jpg)
L'InÒc-Aquitània que ven de tornar har lo son site Internet. Que trobaratz uei a l'adreça www.in-oc.org un site mei modèrne, mei practic e mei ergonomic.
Lo XIen Congrès internacional de l'AIEO se farà a Lhèida
![Lhèida](/images/actualitats/institucion/lheida.jpg)
Lo Congrès de l'Associacion Internacionala d'Estudis Occitans de 2014 se tendrà a Lhèida del 16 al 21 de junh. Se farà sul tèma « Los estudis occitans : de tempses novèls, de novèlas perspectivas ». Permet dempuèi mai de 20 ans de portar lo lum sul trabalh de la comunitat scientifica occitana. Ajuda tanben los escambis entre cercaires que s'interèssan a l'occitan a un nivèl internacional.
Soscripcion pel Diccionari francés-occitan segon lo lengadocian de Cristian Rapin
![Diccionari francés-occitan segon lo lengadocian](/images/actualitats/institucion/rapin.jpg)
Los darrièrs dos volums del Diccionari francés-occitan segon lo lengadocian de Cristian Rapin son a mand d'èstre publicats. Lor parucion en cò d'IEO-edicions es prevista per l'auton de 2013. Podètz reservar aqueles tòms e beneficiar d'una ofèrta de soscripcion fins al 15 de setembre.
Actes dels rencontres del P.E.N.-Club occitan
![P.E.N.-Club occitan](/images/actualitats/institucion/penclub.jpg)
Los Actes dels rencontres organizats pel P.E.N.-Club occitan a Valéncia, dins Droma, lo 17 de novembre de 2012 son ara publicats. L'obratge es trilingue occitan, francoprovençal e francés. Repren las intervencions de las doas taulas redondas : « Escriure en lenga regionala » e « Difusar l'escrit en lenga regionala ».
dicod'Òc e vèrb'Òc taus telefonets
![dicod'Òc e vèrb'Òc taus telefonets](/images/actualitats/institucion/applis.jpg)
Lo dicod'Òc, multidiccionari francés-occitan e lo vèrb'Òc, conjugador automatic occitan qu'existeishen tanben en aplicacion taus telefonets. Que son aplicacions web qui foncionan tà iPhone, Androïd, Blackberry e Windows Phone. Que i a navigators qui permèten de har ua embraca (icòna) au burèu.
Navèths aliats peu Congrès
![Departament Pirenèus-Atlantics, Vila de Tolosa](/images/actualitats/institucion/partenariats1.jpg)
L'aliança deu Congrès Permanent de la lenga occitana que s'alarguè pendent l'Amassada generau deu 23 de mai. En efèit, a aqueth parat la Comuna de Tolosa e lo Conselh generau deus Pirenèus Atlantics que's trobèn aliats deu Congrès.