En 2021, un fuèlh de rota novèl es estat adoptat, misant sus una cultura fòrta amb una identitat euroregionala mediterranèa.
En aquel sens, pertocant l’ais estrategic de la cultura, l’Euroregion vòl metre en valor sas lengas euroregionalas aital coma las nòvas culturas : dinamizar la practica e los escambis entre los joves a l’entorn de las lengas e de la cultura euroregionala, e facilitar l’integracion sociala e los escambis ligats al respècte de la diversitat culturala e lingüistica.
Dins aquel encastre, un concors es organizat per la joenessa, per de projèctes suls malhums socials pretendent promòure las lengas catalana e occitana dins l’Euroregion.
Cèrcan d’iniciativas de joves suls malhums socials qu’encoratjan l’usatge del catalan e de l’occitan per reconéisser la valor / la qualitat d’iniciativas de joves generant un impacte positiu sul catalan e l’occitan dins la societat, influenciant la manièra de percebre aquelas lengas e favorizant la coneissença, la preséncia e l’utilizacion dins la comunitat joventa.
Lo concors es a destinacion de personas fisicas, grops informals o entitats, d’edat compreses entre 16 e 30 ans, ligadas als territòris de l’Euroregion (Catalonha, Illas Balearas e Occitania).
La campanha a per objectiu de :
- Metre en valor l’usatge de las lengas catalana e occitana dins totes los domenis de la societat.
- Encoratjar las iniciativas de la joenessa favorizant l’utilizacion de las lengas catalana e occitana demest los joves dins l’espaci Internet.
- Far participar la ciutadanetat a l’accion euroregionala e particularament los joves, subretot dins lo contèxt de l’Annada europèa de la Joenessa.
- Motivar los escambis lingüistics e culturals entre las regions.
- Sosténer los joves que crèan o presentan de contenguts de tota tematica dins los malhums socials en catalan e en occitan.
Lo concors se debana del 3 d’octobre al 7 de novembre de 2022 per una remesa dels prèmis corrent febrièr de 2023.
