Sélectionnez votre langue
Lo Congrès permanent de la lenga occitana
Lo Congrès qu'ei l'organisme interregionau de regulacion de la lenga occitana. Qu'amassa las institucions e las federacions istoricas occitanas e que'u sostienen las collectivitats e lo ministèri de la Cultura - DGLFLF.
COMPETÉNCIAS
Lo Congrès de la lenga occitana qu'a desvolopat tres pòles de competéncias a l'entorn de las tecnologias deu tractament automatic deu lengatge, servicis qui an per mira la socializacion de la lenga entà las collectivitats e las enterpresas, atau com la regulacion e normalizacion de la lenga.
TAL
Lo Congrès que basteish utís e que coordina programas en lo maine deu tractament automatic de la lenga (TAL) tà l'occitan.
Socializacion lingüistica
Lo Congrès que perpausa servicis de traduccion o de conselh e que mia diferentas accions qui an per tòca la socializacion de la lenga occitana.
Nòrmas e normalizacion
Lo Congrès qu'a ua mission de regulacion de la lenga. Que produseish documents e atrunas destinadas a la soa normalizacion.
SERVICIS
Lo Congrès que prepausa un ensemble d'aplicacions en linha : traductor automatic, multidiccionari, sintèsi vocau, conjugator, etc., atau com ressorsas entaus professionaus deu desvolopament, atrunas entaus professionaus de la lenga e aplicacions accessiblas entaus uelhfebles.
Gran public
Multidiccionari, traductor automatic, sintèsi vocau, wiki de gramatica, clavèr Dicodòc per Android, ací uas de las aplicacions gran public.
Professionaus de la lenga
Sistèma de recèrca avançada, còrpus textuau e audio, fonetizaire, basa de dadas dialectau, basa textuau occitana au servici deus professionaus de la lenga.
Collectivitats e enterpresas
lengasocietat.eu qu'ei lo purmèr servici a las collectivitats e a las enterpresas entà ua mei bona integracion de la lenga occitana en la vita vitanta.
Ensenhaires e formators
Jòcs a l'entorn de la lenga, expressions, citacions e reproèrs en occitan, anecdòtas sus las vilas d'Occitania, atau com d'autas atrunas a descobrir.
Webmèstes & desvolopaires
La Farga numerica qu'ei lo portau collaboratiu TAL (tractament automatic de la lenga) tà l'occitan.
Monde uelhfebles
Entà perpausar las soas aplicacions au mei gran nombre, lo Congrès que realizè la mesa a l'estandard accessible deu Dicodòc, deu Vèrbòc e deu Topòc.
ACTUALITATS
Ací qu'avetz tota l'actualitat deu Congrès, l'avançament deus nostes projèctes, las tematicas qui seguim tot dia entà vosautes com la recèrca e las publicacions scientificas, las ressorsas navèras qui'vs poderén estar utile. Abonatz-ve a la nosta letra de ligason si voletz recéber aqueras actualitats per corric.
L'institucion e los sons sòcis
Politicas lingüisticas
Recèrca-publicacions
Navèras ressorsas
Eveniments
Sostenença de tèsi en toponimia
Isabelle Collomb, toponimista al Congrès permanent de la lenga occitana sostendrà sa tèsi Estudi de la microtopynie dins lo Pargue natural regional dels Causses de Carcin lo dijòus 5 de decembre a 14H a l"Universitat Paul-Valéry Montpellier 3 (Sit Sant-Carles 1, 71, Carrièra Henri Serre Montpellier (arrèst de tram Plaça Albert 1èr, Salle dels Actes 011).
L’Ofici public de la lenga bretona au Congrès
Lo Congrès que recebó lo 12 de noveme representants de l'Ofici public de la lenga bretona tà escambiar a perpaus de la situacion numerica deu breton e de l'occitan.
6 nautats literàrias de noveme 2024
Istòria, lingüistica, contes entaus mainats : las sortidas literàrias deu mes de noveme 2024.
Collòqui dels Joves Cercaires en Domeni Occitan : Apèl à contribucion
Lo collòqui avenidor dels Joves Cercaires en Domeni Occitan se tendrà los 4 e 5 de junh de 2025 a l’Universitat Pau Valèri - Montpelhièr 3. Es lo moment de transmetre vòstras proposicions de comunicacions !
Concors bigordan d’expression gascona 2025
Lo Departament de las Hautas Pirenèas qu’organiza lo 33 au Concors bigordan d’expression gascona. Augan, lo concors qu’a per tematica « Eth pic de Meidia ».
Concors del Lector del Val 2025
L’associacion Le Lecteur du Val organiza la 27 na edicion de son concors d'escritura de novèlas.
Soscripcion Plega de Nadal 2024 de l’IEO
La plega A Tots de l'IEO 2024 es en soscription fins al 25 de decembre de 2024.
Agaches, collòqui euroregional dels espacis occitans e catalans
L’associacion Euroccat prepausa los 28 e 29 de novembre lo collòqui Agaches, centrat sus la tematica : « Mestrejar las frontièras : copaduras ? costuras ? ».
L’occitan present pelh salon Origine Auvergne
Lo Salon Origina Auvernhe se teniá dau 22 au 24 de novembre per la "Grande Halle d’Auvergne" de vès Clarmont d'Auvernhe. Pas mens de 350 expausants eran presents per faire descobrir a mai de 26 000 visitaires Auvernhe per 5 univers : gastronomia, botigas & artisanat, torisme & cultura, innovacion, emplec & formacion.
Seminari toponimia
Los 1 èr e 2 d’octobre passats lo Congrès qu’organizè un seminari tà aviar l'obrador toponimic navèth deu Congrès permanent de la lenga occitana.
6 nautats literàrias d’octobre 2024
Recuelhs, istòrias de familha e d’identitat, sortidas joenessa : descobritz las sortidas literàrias deu mes d’octobre 2024.
Apèls a contribucions de la revista Plumas
Cristian Lagarda e Felip Gardy son a la recèrca de contribuïdoiras e contribuïdors per un numèro de la revista literària en linha Plumas sus la problematica de l'autotraduccion.
Concors de l’Academia dels Jòcs florals
L’Acadèmia dels Jòcs Florals baileja cada an un concors de poesia e de pròsa en occitan, dubèrt del 1 er de novembre al 5 de genièr.
Concors d'escritura Pèire Braiac
L'associacion Aquí l'Òc organiza per la cinquena annada consecutiva lo concors d'escritura Pèire Braiac pels escolans e pels adults d'Òlt, de Corresa e d’Occitània tota.
Seminari LINGUATEC-IA
Lo 10 d’octobre passat que s’amassè a Pau lo consòrci LINGUATEC-IA. Que i son aliats lo Congrès permanent de la lenga occitana, la fondacion basca Elhuyar, l’Universitat Tolosa - Joan Jaurés, l’Universitat de Lhèida, l’Universitat de Perpignan, IKER (CNRS-Universitat de Bordèu), l’Universitat deu Pais basco e lo Govèrn d’Aragon (Gobierno de Aragón) tà desvolopar ressorsas e tecnologias tà las lengas deus Pirenèus (aragonés, basco, catalan e occitan).
Mòstra "Mistral superstar"
Lo Domeni departamental de Pierresvives a Montpelhièr prepausa una immersion dins l'univèrs de Frederic Mistral per l'exposicion Mistral superstar ! De Maillane à Stockholm .
Lo Congrès a la Topina
Dimècres 6 d'octobre, dins l’encastre de la dètz-e-uechena sason dels DUÒC (Dimècres Universitaris Occitans e Catalans), coorganizats per la Seccion d’Occitan e la Seccion de Catalan de l’Universitat de Tolosa - Joan Jaurés (UT2J), Joan Breç Brana presentèt los espleches deu Congrès en matèria de socializacion de la lenga occitana, e en particular lo portal Ninon.eu .
Jornadas d’estudis : Marcela Delpastre, una femna-monde
L'Universitat Tolosa - Joan Jaurés, en collaboracion emb l'Etnopòle Garae organizan un collòqui sus Marcela Delpastre a Tolosa e a Carcassona au mes d'octòbre.
Las Pirenencas - Les Pyrénéennes 2024
A l’envit de la Region, Lo CIRDOC - Institut occitan de cultura, l'Ofici public de la lenga occitana, Lo Congrès permanent de la lenga occitana, convidats per La Region Occitania / Pirenèus - Mediterranèa, qu’èran deu 17 au 22 de seteme a Sent Gaudenç en Comenge, a un eveniment màger : Las Pirenencas (Les Pyrénéennes), hèira agricòla triennau qui s’a ganhat la plaça au demiei de las manifestacions bèras de França e qui a un arrajament transfronterèr.
13 novetats literàrias d’agost e seteme de 2024
Poesia, teatre, dialògs, memòria de territòri o de ficcion, bèstias e plantas…Las novetats literàrias dels meses d'agost e de setembre de 2024.
Cultiva ton Òc 2024 - Obradors de sensibilisation "Lenga e cultura"
Lo CIRDÒC-Institut occitan de cultura (Besièrs) e lo CFPO Region Occitània prepausan lo cicle Cultiva ton Òc (CTOC), de sessions de sensibilizacion a l'occitan, lenga e cultura, pels grands debutants.
Un navèth site internet a Per Noste Edicions
Las edicions Per Noste que vienen de hicar en linha lo lor navèth site internet.
Rescontres del libre occitan
Lo Departament d'occitan de l'Universitat Pau Valèri a Montpelhièr organiza lo Rescontre del libre occitan “Revirar e en occitan” dimars 1 èr octobre de 2024.
Escrivans - Ua crotzada d’autors
Lo CIRDÒC - Institut occitan de cultura e las edicions Reclams coorganizan Escrivans - ua crotzada d'autors, jornada literària, samedi 12 d'octobre, au Musèu de Shalòssa a Monthòrt (40).
Mòstra “L’occitan lenga de traduccions”
A l'escasença de las Jornadas europèas del patrimòni 2024, lo CIRDÒC - Institut occitan de cultura vos convida a descobrir una exposicion exclusiva sul tèma de la revirada.
Amassa que'ns haram mei en davant !
Que vs'agradan e qu'utilizatz las aplicacions desvolopadas peu Congrès, e que'ns voletz ajudar a anar mei luenh ? Que'vs tienetz on cau .
Mercés a la vòsta ajuda qu'avançarà mei lèu e mei luenh lo desvolopament d'aplicacions, de servicis e de foncionalitats utilas a la vita vitanta de tots los occitans.
Reconeishença vocau en occitan
Contribuir a la collècta de ressorsas vocaus
Que podetz ajudar lo Congrès en balhant la vòsta votz sus la nosta platafòrma RevOc. Mei auram d'escantilhs, mei bonas e seràn las atrunas qui desvoloparam entà tots.
Collècta de dadas
Participar a la collècta de dadas.
Que voletz barrejar dadas (còrpus textuau, enregistraments, videos sostitoladas,...) ? Contactatz-nse per e-mail o telefòne (05.32.00.00.64) entà véder amassa quin se pòt har.
Sostienetz lo Congrès
Ajudar la creacion d'aplicacions occitanas.
Que podetz ajudar lo Congrès en hant un don sus la platafòrma apitada tad aquò har. Aqueths dons que serviràn a crear foncionalitats, o aplicacions navèras.
SOSTIENS
Lo Congrès que pòt miar las soas activitats mercés au sostien financèr deus aliats publics.
