Pèira seca, per Silvan Chabaud, a las edicions l'Aucèu libre
Recuèlh de poèmas novèl per Silvan Chabaud.
Soscripcion al libre Robèrt Martí, l’òbra-vida
<p style="text-align: justify;">Las edicions de l’Institut d’estudis occitans (IEO-IDECO) son aürosas de vos presentar aqueste omenatge a Robèrt Martí, granda figura de l’occitanisme contemporanèu, que nos daissèt en mai de 2021.</p>
<hr id="system-readmore" />
<p style="text-align: justify;">Aqueste libre pretend pas dire lo tot d’aquel personatge pauc comun. Cada contribucion vòl simplament parlar, a son biais, de l’òme, privat o public, e de son òbra. Testimoniatges o analisis, los tèxtes recampats ofrisson totes una vision particulara, personala e subjectiva, mas çaquelà, d’un escrit a l’autre, las constàncias son evidentas, que revèlan una persona una e multipla a l’encòp : l’amorós d’un país e d’una lenga, lo passionat de transmission, l’escrivan prigond, l’autor de cançons e d’articles, de pèças umoristicas, lo pedagògue eficaç e aimat, l’òme de l’uèlh esperitós, lo militant entosiasta e infatigable, l’intellectual cultivat e dreit, de l’engatjament sense ambigüitat, lo contaire sense pariu, lo timide que pòt auçar la votz e s’expausar quand o cal, l’amic fidèl… Al mond que contribuïguèron, aqueste omenatge s’impausèt coma una evidéncia, per dire l’astre e lo bonaür d’aver conegut En Robèrt Martí, e tot çò que li devèm. Manièra de li tornar un pauc de tot çò que nos donèt e nos dona encara.</p>
<p style="text-align: justify;">De fòtos e d’illustracions qualitadosas acompanhan los tèxtes signats de Claudi Alranq, Josep Arasa Ferrer, André At, Mirelha Braç, Joaquín Castillo Blanco, Bernat Cauhapè, Joan-Loís Cortial, Olivièr Daillut, Josiana Daunís-Martí, Joan-Claudi Forêt, Eric Fraj, Jacme Gaudàs, Roger Harvey, Sèrgi Javaloyès, Sèrgi Labatut, Florant Mercadièr, Danièl Rifà, Alan Roch, Estefe Ros, Joan-Claudi Sèrras, Claudi Sicre, Joan Thomàs, Muriel Vernières, Sèrgi Viaule, Joan Vilòta.</p>
<p style="text-align: justify;">La coordinacion del libre foguèt assegurada per Josiana Daunís-Martí e Eric Fraj.</p>
<p style="text-align: justify;">Lo prètz de la soscripcion pel libre es de 12 € (al lòc de 15 € pus tard, fòra soscripcion), despensas de mandadís inclusas. Lo libre serà enviat als soscriptors e a las soscriptrises tanlèu paregut.</p>
<ul class="tiera">
<li style="text-align: justify;"><a title="Site de las edicions IDECO" href="https://ideco-dif.com/ieo_edicions/terra_de_cocanha/robert_marti_l_obra_vida/index.html" target="_blank" rel="noopener noreferrer">Comandar l'obratge</a></li>
</ul>
Diccionari deus torns de lenga gascons, per Ubèrt Dutech
Quate annadas de tribalh dab cèrcas de totas parts de Gasconha, tà çò qui ei de las expressions, locucions, arreproèrs, frasas especificas e autes mots deus beròis….
Segonda edicion d’Eglògas, de Pèir de Garròs, en çò de Per Noste
La segonda edicion corregida d’Eglògas que sòrt de paréisher en çò de Per Noste.
Alfà-Bestiari, per Alan Rouch
Alfà-Bestiari es un recuèlh de 130 poèmas novèls d’Alan Roch en occitan, amb la participacion de 200 animals, dels mai pichons (micròbi, paramecia,…) als mai gròsses (dinosaure, elefant,…), d’aicí e d’endacòm mai.
Per l'amor, de Jan-Peire Reidi, chas Novelum
Per l’amor de la vita, per l’amor de la linga.
Concors d'escritura en occitan Pierre Brayac, per Aquí l’òc
L'Associacion AQUÍ L'ÒC organiza per la tresena annada consecutiva lo concors d'escritura Pierre Brayac en Occitan pels escolars e pels adults d'Òlt, de Corresa e d’Occitània tota.
Concors de novèlas del Lecteur du Val
« Se remembra quand arribèt al vilatge, qu’aviá tant de vam et de projèctes... Qu’es aquò que se’n virèt mal ? »
XIVau Congrès de l'Associacion Internacionau d'Estudis Occitans : L'occitan a l'encontre deus estudis romanics (Munic)
Deu 11 au 16 de seteme de 2023, a l’Institut de filologia romanica de la Ludwig-Maximilians-Universität (LMU) de Munic.
Soscripcion : Joan Ganhaire, Entre rire e desespèr, un agach sus l'umana condicion de Fabienne Garnerin
Joan Ganhaire es plan lèu estat reconegut coma l'un dels autors màgers de la literatura occitana contemporanèa.
Dialògues occitans Lemosin, de Gilbert Borgés, chas Novelum
Quilhs Dialògues lemosins de Gilbert Borgés s'inscriven dins l'enveja de transmission de la lenga occitana que fuguet la soá :
País d’exilis, per Sèrgi Javaloyès, en çò deus Reclams
Andreu Serrat qu'ei hòrabandit deu son trabalh shens nat explic. Alavetz que torna pensar a la soa vita, aus sons exilis.
Publicacion novèla de Miquèla Stenta a las edicions E...rau !
Dins Fin’amors triptic ...e mai de Miquèla Stenta, lo raconte correspond en granda partida al títol, un pauc enigmatic, mas lo lector descobrís lèu, a dicha qu’avança dins las paginas, qu’aquesta dimension estetica e picturala es pas la sola, e benlèu pas la mai importanta.
Presentacion deth diccionari Castelhan-Aranés
Se presentèc eth 16 de seteme passat en Betren eth diccionari castelhan-aranés de Frederic Vergés.
Audible : de libres audio en lengas regionalas
Audible anóncia la sortida de las versions audio en lengas regionalas dels libres Lo Princilhon (alsacian, breton, còrse, picard) en associacion amb Écoutez Lire Gallimard, La Galineta que voliá veire la mar (alsacian) en associacion amb Lizzie e Lo Lop que voliá cambiar de color (alsacian, basco, breton, catalan, còrse, occitan, picard) en associacion amb Auzou.
Actu’Joens : site d’informacion taus joens en occitan
Que harà bèthlèu un an que l’Escòla Gaston Febus aviè lo son site d’actualitats per e entaus joens en occitan, Actu’Joens.
Les Passions pyrénéennes chantées, per Maurici Romieu, en çò de Reclams
Presentacion de tres tèxtes recuelhuts au cors deu sègle XIXau a Areta en Varetons, a Arbiost e Varètja en Lavedan. Per estar profanes, qu'èran cantats com planhs lo Dijaus sent au parat de las ceremonias organizadas en las glèisas.
L'Elucidari, l'encyclopédie de Gaston Febus, publicat en çò de l’Escòla Gaston Fèbus
Dens L'Elucidari, l'encyclopédie de Gaston Febus, Maurici Romieu que presenta lo manuscrit L'Elucidari de les proprietats de totas res naturals.
Vènus a l’Escorpion, raconte poetic de Maëlle Dupon, en çò de Reclams
Dusau libe de Maëlle Dupon, en çò de Reclams.
Estiu brutlant, d’Eduard von Keyserling, en çò de Per Noste
Arrevirada de l’alemand per Elisa Harrer, ua novèla a descobrir.
Roman novèl en cò de Novelum : Rendetz-vos au cementeri, de Joan Ganhaire
Mandat en mission especiala per la jutja d’instruccion Rosalina Lavernha, l’Alexandre Darnauguilhem deu quitar son comissariat de Maraval per segre las piadas d’Antòni Klemeniúk, dich lo Polak, recentament liberat aprep vint ans de preison per l’ataca d’un forgon blindat clafit de belòias, per fin de tornar trobar lo tresaur en question.
Er Institut d’Estudis Aranesi publique eth nau diccionari aranés-catalan de Jusèp Loís Sans
Complète eth diccionari catalan-aranés e amassa somen apròp de 70 000 entrades.
Lo Diable la se creme, de Felip Biu, en çò de Per Noste
« Peu men mestièr que soi acostumat a hicar en relacion documents, paraulas, hèits de tot escantilh qui pòden paréisher shens rapòrt, a'us classar, a'us analisar entà ensajar de har emergir un sens. »
Dictionnaire des noms de famille en Pays d’Oc, d’Andrieu Lagarda, en cò de Letras d'Òc
Descobrir e conéisser l’origina e la significacion dels noms de familha (« d’ostal »), d’aquela dels vesins, dels amics o de personatges de bèl temps a tanplan coma d’uèi, vaquí la tòca e l’ambicion d’aqueste libre, dels Alps als Pirenèus, de las còstas del Gòlf de Gasconha duscas las de la Miègterranha.