L'institucion e los sons sòcis

Los 1^èr e 2 d’octobre passats lo Congrès qu’organizè un seminari tà aviar l'obrador toponimic navèth deu Congrès permanent de la lenga occitana.

Lo 10 d’octobre passat que s’amassè a Pau lo consòrci LINGUATEC-IA. Que i son aliats lo Congrès permanent de la lenga occitana, la fondacion basca Elhuyar, l’Universitat Tolosa - Joan Jaurés, l’Universitat de Lhèida, l’Universitat de Perpignan, IKER (CNRS-Universitat de Bordèu), l’Universitat deu Pais basco e lo Govèrn d’Aragon (Gobierno de Aragón) tà desvolopar ressorsas e tecnologias tà las lengas deus Pirenèus (aragonés, basco, catalan e occitan).

Dimècres 6 d'octobre, dins l’encastre de la dètz-e-uechena sason dels DUÒC (Dimècres Universitaris Occitans e Catalans), coorganizats per la Seccion d’Occitan e la Seccion de Catalan de l’Universitat de Tolosa - Joan Jaurés (UT2J), Joan Breç Brana presentèt los espleches deu Congrès en matèria de socializacion de la lenga occitana, e en particular lo portal Ninon.eu.

A l’envit de la Region, Lo CIRDOC - Institut occitan de cultura, l'Ofici public de la lenga occitana, Lo Congrès permanent de la lenga occitana, convidats per La Region Occitania / Pirenèus - Mediterranèa, qu’èran deu 17 au 22 de seteme a Sent Gaudenç en Comenge, a un eveniment màger : Las Pirenencas (Les Pyrénéennes), hèira agricòla triennau qui s’a ganhat la plaça au demiei de las manifestacions bèras de França e qui a un arrajament transfronterèr.

Abans de préner - com totas e tots ! - un repaus beròi ganhat, l‘equipa deu Congrès que prepara d'ara endavant la rentrada...

Lo projècte europèu LINGUATEC IA que's met en marcha. Que s’amassè recentament lo purmèr talhèr a Saragossa au quau participèn un totau de 14 personas qui representavan la màger part de las entitats qui participan au projècte.

Los primièrs Encontres occitans de las lengas e culturas regionalas se son debanats a Agen los 13 e 14 de junh. Coorganizats per la Region Navèra Aquitània, lo departament d’Òlt e Garona e la vila d'Agen, qu'amassèn a l'Ostal del departament mai de 170 participants - elegits, tecnicians de collectivitats, professionals, associatius - venguts de l'espaci occitan mas egalament d'Alsàcia e de Nauts de França.

Lo portau de la petita enfança e deus ben.hèits deu bilingüisme doriu francés-occitan qu'ei d'ara enlà public.

La Passem ! que trauquè Gasconha enter lo 30 d’abriu e lo 5 de mai passats. Tornar en imatges sus la participacion deu Congrès ad aqueth eveniment.

Lo Congrès recruta un(a) desvolopaire(a) e un(a) toponimista dins l'encastre de son projècte de creacion de plataforma lexicala, textuala e toponimica occitana.

Encontres occitans d’Agen — Talhèr Linguatec IA a Vielha (© Conselh Generau d'Aran)

Quauques dias abans la debuta de l'estiu, La Region Novèla Aquitània, lo Departament d'Òut e Garona e la Vila d'Agen, en associacion dab la Region Occitània Pirenèus Mediterranèa, que'vs convidan a viéner participar, los 13 e 14 de junh qui venguen a Agen, aus Encontres occitans de las lengas e culturas regionaus, un eveniment co-organizat per la Region Navèra Aquitània, lo Departament d'Òlt e Garona, la Vila d'Agen e en partenariat dab la Region Occitània / Pirenèus-Mediterranèa.

Talhèr Linguatec IA a Vielha (© Conselh Generau d'Aran)

La Passem ! que traversarà la Gasconha deu 30 d'abriu au 5 de mai qui vienen. Dens aqueth encastre, Lo Congrès permanent de la lenga occitana, l'Ofici public de la lenga occitana lo CIRDOC-Institut occitan de cultura, lo CFPÒC Navèra Aquitània e la Federacion Calandreta Bearn que s'assòcian entà l'animacion de la corsa.

Dens l'encastre deus Divendres de l'Espaci Occitan organizats per l'IEO Arièja, lo Congrès qu'anè tà Foish a la debuta deu mes d'abriu tà ua presentacion publica de las soas missions e realizacions.

L'ÒPLO (Ofici public de la lenga occitana) recebèt a la debuta de març una delegacion de l'Institut du Galo (lenga romanica de Bretanha) compausada de la conselhèra regionala de Bretanha en carga del gallo, la presidenta, lo director e dels tecnicians de l'Institut du Galo (qu’a per mission lo desvolopament du gallò).

Après lo traductor automatic occitan en 2020, lo prestigiós LREC, Conferéncia internacionau sus las Ressorsas lengatgèras e l'Evaluacion qu'a un còp de mei retengut un article scientific coredigit peu Congrès (Aura Séguier, Michaël Barret e Benaset Dazéas) e lo son partenari tecnic Elhuyar (Iñigo Morcillo, Ander Corral, Igor Leturia, Xavier Sarasola) tà çò deu desvolopament de la reconeishença vocau en occitan.

Lo Congrès permanent de la lenga occitana que vien de méter en linha la version navèra deu son site institucionau, locongres.org.

Aqueste projècte europèu transpirenenc e transfrontalièr a pausat las basas del desvolopament de coneissenças en intelligéncia artificiala aplicablas a las lengas de feblas ressorsas dels dos costats dels Pirenèus.

Los vòts son mai qu’un ritual. Son l’escasença de fintar l’an vièlh e d’agachar venir l’an novèl.

Qué de nau au pòle Lenga & Societat tau mes d'octobre de 2023 ?

Lo Congrès permanent de la lenga occitana a enregat un programa de creacion de plataforma lexicala, textuala e toponimica dins l'encastre del Contracte de plan d'Estat-Region novèl (CPER).

A la velha de la Copa deu monde 2023 de rugbi de XV, qui’s debana en França, la DGLFLF que publica un recuelh realizat en collaboracion dab los sons partenaris